Kërko

Vatican News
Audinca e Papës me fëmijët e sëmurë nga tumori Audinca e Papës me fëmijët e sëmurë nga tumori  (@VaticanMedia)

Dita kundër kancerit foshnjor. Papa, pranë të sëmurëve të vegjël

Papa Françesku, në Ditën XX Botërore kundër kancerit foshnjor, sëmundje që prek çdo vit, vetëm në Itali, 2300 fëmijë nga 0 deri më 15 vjeç e adoleshentë deri në moshën 19 vjeç, u shprehu, në një tweet, afërsinë e tij të gjithë atyre, që përpiqen ta zhdukin këtë sëmundje e t’i shërojnë të sëmurë e vegjël.

R. SH. - Vatikan

“Zoti e frymëzoftë secilin prej nesh për t’u bërë i afërt me atë që vuan, posaçërisht me të vegjlit, e për ta vënë të ligshitn në vendin e parë. Ia besoj Virgjërës Mari mjekët dhe të gjithë fëmijët e sëmurë, që t’i ruajë e t’i mbrojë me dashurinë e saj amtare”.

Këto fjalë i lexojmë në një tweet, të cilit Papa ia besoi  ndjenjat e afërsisë e të solidaritetit për të gjithë ata, që punojnë në repartet onkologjike, ku mjekohen të sëmurët e mitur. Atyre, punonjës shëndetësie e të sëmurë, u kushtohet Dita XX Botërore kundër kancerit foshnjor.

Inkurajuese, rezultatet e mjekimeve

Janë gjithnjë më inkurajuese rezultatet e arritura me mjekimet tradicionale - chemioterapia, radioterapia e, në rastet e tumoreve të ngurta, edhe kirurgjia - të cilëve u shtohen edhe format e reja të imunoteprapisë, që krijojnë mundësi mbijetese prej 5 vjetësh si dhe shërimin në 85% të rasteve. Vëmendje e posaçme i kushtohet edhe komunikimit të sëmundjes, e cila nuk është e njëllojtë tek i mituri,  ashtu si tek adoleshenti.

15 shkurt 2021, 13:39