Kërko

Vatican News
Emirati Arabi, Grande Moschea di Abu Dhabi, Moschea Sheikh Zayed Emirati Arabi, Grande Moschea di Abu Dhabi, Moschea Sheikh Zayed 

Papa në Emiratet Arabe, që përpiqen të jenë model bashkëjetese e vëllazërimi

E diel e veçantë e sotmja, për Papën e për Kishën. Pas kremtimit të Engjëllit të Tënzot, rreth orës 13.00, Françesku do të niset për Emiratet e Bashkuara Arabe.

R. SH. - Vatikan

Shtegtimi i Papës Françesku në Emiratet Arabe, është i pari i një Pape në gadishullin arabik. Çastet kryesore të kësaj vizite, që shumëkush e quan historike, janë takimi ndërfetar, nesër, në Founder’s Memorial dhe Mesha Shenjte, të marten e ardhshme, në Stadiumin “Zayed Sports City”. Në videomesazhin, në prag të këtij shtegtimit, Papa shprehu gëzimin për vizitën në Emiratet Arabe.

Videomesazhi nis me këto fjalë: “Jam i lumtur që do të mund të vizitoj, pas pak ditësh, vendin tuaj, tokë, që përpiqet të jetë model bashkëjetese, vëllazërimi njerëzor e takimi ndërmjet qytetërimeve e kulturave të ndryshme, ku shumë njerëz gjejnë vend të sigurt për të punuar e për të jetuar lirisht, në respekt e larmi. Gëzohem pa masë - vijon mesazhi papnor - që më jepet rasti të takoj një popull,  i cili  e jeton të sotmen me shikimin drejtuar nga e ardhmja”.

Papa: besimi në Zotin bashkon, nuk ndan

Shtegtimi, me moton “Më bëj, o Zot, mjet të paqes sate”, rikujton  dëshirën për paqëtim  që, 8 shekuj më parë, pati shoqëruar  takimin e Shën Françeskut me sulltanin e Egjiptit Malik Al Kamil. Pikërisht dialogu ndërfetar është një nga shtyllat e vizitës, që do të përfundojë me 5 shkurt. Përmasa tjetër kryesore e shtegtimit, është takimi me bashkësinë katolike vendase, më se 900 mijë vetë, posaçërisht emigrantë.

03 shkurt 2019, 11:02