Lutje: Jepna jetë, o Zot i ngjallur!
R. SH. - Vatikan
Pashkët e tua, o Zot,
janë fryt i parë i Pashkëve tona,
na e flakin gurin e varrit
e dalim në dritën Tënde!
Ngjalli, o Zot,
dhe të varfrit, të pëndjekurit,
ata që dhunohen çdo ditë,
e shuhen nën hijen
e mureve të përdhunës!
Jepu, Zot, flatrat
e humbura, të rinjve!
Jepu tokë të re
hënë të re
e diell të ri!
Jepu jetimëve jetë,
bukë, të uriturve,
bashkim, familjeve
shkapërhapë në hapësirat
e pafundme të kësaj bote
në kërkim të lirisë,
që e borën nën strehët e tyre,
nën thundrën e përdhunës!
Mos i harro
në festën tënde të papunët
të pastrehët,
të pa shpresët,
të sëmurët në spitale,
e ata që Pashkët i jetojnë
ndër skuta të jetës.
Na mëso ta gjejmë
fillin e tretur,
në ngadhënjimin tënd mbi vdekjen!
Mbushi me lule
edhe arat e braktisura.
Pse, si mund të ketë
Pashkë, pa lule
o Zot i ngjallur,
njëheresh me natyrën!