Versioni Beta

Cerca

Vatican News
Democrats Take Control Of House, And Republicans Keep Majority In Senate In Midterm Elections Democrats Take Control Of House, And Republicans Keep Majority In Senate In Midterm Elections  (2018 Getty Images)

SHBA: Demokratët fitojnë Dhomën, Senati u mbetet Republikanëve

SHBA: Demokratët fitojnë Dhomën, Senati u mbetet Republikanëve

R.SH. - Vatikan

Nё zgjedhjet e mesit të mandatit, që konsideroheshin si njё “referendum” për presidentin në detyrë, Donald Trump, nuk pati valë tё madhe tё demokratёve, por shumica në Dhomën e Përfaqësuesve do të jetë blu.

Nё kёto zgjedhje kanë fituar gratë, afrikano-amerikanët, të rinjtë, latinët. Në Kongres për herë të parë hyjnё dy gra myslimane: Rashida Tlaib, 42 vjeçare, emigrante nga Palestina, që fiton në Miçigan dhe Ilhan Omar, 36 vjeçe, me origjinë somaleze, u zgjodh në Minesota. Demokratja Sharice Davids, në Kansas ёshtё gruaja e parë vendase-amerikane qё hyn në Kongres.

Shtëpia e Bardhë ka njoftuar se Presidenti Trump i ka thirrur drejtuesit e kongresit, republikanët dhe demokratët. Në Senat foli me udhëheqësin e shumicës republikane Mitch McConnell dhe me udhëheqësin e pakicës, Chuck Schumer. Ndërsa në Dhomёn e Kuvendit me kryetarin që po largohet, republikanin Paul Ryan i cili nuk ёshtё kandiduar nё zgjedhjet e djeshme, dhe udhëheqësi  e pakicës, Nancy Pelosi,  e cila është e destinuar të kthehej në udhëheqjen e Dhomës. Nancy Pelosi premton se shumica demokratike do të rivendosë rolin e "kontrollit dhe tё drejtpeshimit" në veprimtarinë e Shtëpisë së Bardhë, por gjithsesi do të përpiqet të vazhdojë një politikë bipartisane.

Një votë edhe për rinovimin e guvernatorëve

Nё zgjedhje u votua gjithashtu edhe për zgjedhjen e guvernatorëve tё 36 shteteve. Guvernatori i ri i Kalifornisë, shtetit më tё pasur dhe më tё fuqishëm amerikan ёshtë demokrati Gavin Newsom. Ndërsa në Florida, republikani Ron DeSantis, një aleat i ngushtë i Donald Trump, i cili e fitoi garën e guvernatorit, duke mposhtur rivalin e tij afrikano-amerikan Andrew Gillum, për të cilin e bëri fushatën edhe ish-Presidenti Barak Obama.

Kёshtu, me pak fjalё, fitoi partia e shumicës së heshtur, ajo që në muajt e fundit ka dalur në rrugë, ka trokitur në dyert e fqinjëve dhe tё miqve dhe i ka bindur të votojë rreth 36 milionë njerëz nё election day (ditën e zgjedhjeve). Shifra që nuk janë parë kurrë në zgjedhjet Midterm. Në zgjedhjet e fundit presidenciale, patën votuar vetëm 27 milion.

07 nëntor 2018, 17:08