ድለ

Vatican News
መቕተልቲ ኣብ ፐሩ ናይ ማቶ ግራሶ ስርሒት ናይ እተሰምየ ዘይመንግስታዊ ማሕበር ኣባል መቕተልቲ ኣብ ፐሩ ናይ ማቶ ግራሶ ስርሒት ናይ እተሰምየ ዘይመንግስታዊ ማሕበር ኣባል 

መቕተልቲ ኣብ ፐሩ ናይ ማቶ ግራሶ ስርሒት ናይ እተሰምየ ዘይመንግስታዊ ማሕበር ኣባል

ሓምሳ ዓመት ዝዕድመአን ኣብ ከተማ ቪቸንዛ ዞባ ስኪዮ ተወላዲት ኣባል ዘይመግንስታዊ ማሕበር ማቶ ግራሶ ኢጣሊያዊት ዓለማዊት ምእመን ኣብ ድቃሰን እንክለዋ ንኽዘርፉ ብዝኣተዉ ናይ ገበን ጉጅለ ኣባላት በዘስካሕክሕ ተግባር ከምእተቐትላ

እምነት ካቶሊክ ኣስተንፍሶ ዝገበረ ኣብ ላቲን ኣመሪካ ብፍላይ ንድኻታት ዝሓልይ መደብ ሕንጸት ዘሳልጥ ኣብ ሰበኻታትን ቁምስናታትን ኣብ ናይ መንእሰያት መደባትን ብጳጳሳት ናይ ኣገልግሎት ሓላፍነት ተቐቢሎም  ብናይ ቅዱስ ዮሓንስ ቦስኮ ናይ ሕንጸት ሜላን ብናይ ቅዱስ ፍራንቸስኮን መሃዝነትን ተመሪሖም ዘገልግሉ  ወለንተንታት ልኡካን ዝሓቁፍ ዘይመግንስታዊ ማሕበር ኣባል ኣብ ፕሩ “ኣደይ” ኣብ ኣተሰምየ ንዘኽታማትን ድኻታት ኣባይቲ ስድራን ኵለመዳያዊ ሓገዝ ኣብ ዘቕርብ መእለዪ ዘግልግላ ዝነበራ ኢጣሊያዊት ዓለማዊት ምእመን ናዲያ ደ ሙናሪ ከምእተቐትላን ጉዳየን እውን ናይ ኢጣሊያ ናይ ወጻኢ ጉዳይ ቤት ጽሕፈት ይከታተሎ ከምዘሎ ዜና ቫቲካን ኣፍሊጡ።

ስምዖን ተ. ኣርኣያ - ሃገረ ቫቲካን

ሓምሳ ዓመት ዝዕድመአን ኣብ ከተማ ቪቸንዛ ዞባ ስኪዮ ተወላዲት ኣባል ዘይመግንስታዊ ማሕበር ማቶ ግራሶ ኢጣሊያዊት ዓለማዊት ምእመን ኣብ ድቃሰን እንክለዋ ንኽዘርፉ ብዝኣተዉ ናይ ገበን ጉጅለ ኣባላት በዘስካሕክሕ ተግባር ከምእተቐትላ ዝሓበረ ዜና ቫቲካን ኣስዒቡ፥ እዘን ዝተቐትላ ልእኽቲ ኣብ ኣገልግሎት ስርሒት ማቶ ግራሶ ኣብ ፕሩ ኣብ ኑወቮ ቺቦተ ኣብ ዝርከብ ብኣባ ኡጎ ደ ቸንሲ ዝቖመ ዘኽታማትን ድኻታት ኣብይቲ ስድራ ኣብ ዝእለዩሉ “ኣደይ” ናይ እትሰምየ መእለዪ ማእከል ሓላፊነት ኮይነን የግልግላ ከምዝነበራ እውን ገሊጹ፥

ኣብቲ “ኣደይ” እተሰምየ መእለዪ ኣብ ዝርከብ ቤተን እንከለዋ ዝተቐትላ

ነቲ ዝተፈጸመ ግብረ ቅለት ንኸጻርይን መርመራ ንኸበግስ ናብቲ መቕተልቲ ዝተፈጸመሉ ቺምቦተ ናብ ዝርከብ መእለይ ዘኽታማት ዝተላእከ ሓይሊ ጸጥታ መርማር ጉጅለ፥ ኣብቲ ቦታ ዝርከቡ ሓሙሽተ ዜጋታት እውን ብዛዕባ እቲ ዝተፍጸመ መቐትልቲ ኣብ ዝምልከት ጉዳይ ከምእተሓተቱን ብጀካ እተን ዝተቐትላ ኢጣሊያዊት፥ ሓንቲ ኣብኡ ዘገልግላ ተወላዲት ፐሩ ሊስበት ራሚረዝ ክሩስ በቶም ናይ ገበን ጉጅለታት መጥቓዕቲ ከዝወረደን እውን ክፍለጥ እንከሎ ናይ ኢጣሊያ ናይ ወጻኢ ጉዳይ ቤት ጽሕፈት ነዚ ጉዳይ’ዚ የጻርይ ከምዘሎ እውን ኣፍሊጡ።

27 April 2021, 22:18