ሓሴት ወንጌል ንዝብል ቃለ ምዕዳን ር.ሊ.ጳ ፍራንቸስኮስ ሓዲስ ሓይልን ጠመተን ንሃብ! ብ.ኣ ሪኖ ፊዚከላ

“ወንጌላዊ ሓሴት ነቶም ምስ ኢየሱ ክርስቶስ ዝራኸቡ ልብን መላእ ሕይወትን የዕግብ። እቶም ንምድሓን ብኣኡ ዝፈቕዱን ንምድሓን ኢየሱስ ዝቕበሉ ካብ ሓጢኣትን ጓህን ካብ ውሳጣዊ ባዶነት ካብ ተነጽሎነት ናጻ ይወጹ። ምስ ኢየሱስ ወትሩ ሓሴት ትውለድ ዳግም ትውለድ። በዚሓዋርያዊ ምዕዳን ኣቢለ መላእ ምእመናን ክርስቲያንን ኣብ ዝቕጽሉ ዓመታት ከይዲ ቤተክርስቲያንን ክስዕቦ ናይ ዝግብኦ መገዲ ቀዳማይ ስድሪ ሓሴት ክኸውንን ብሓሴት ዝተሓትመ ክኸውን ንምንቕቓሕ እዩ”

“እዚ ርክብ እዚ ንኩልና የሐጒስና ንኩልና ከኣ ሓላፍነት ከምዝስመዓና ይገበር። ከመይ ካብ 63 ሃገራት ዓለም ዝተዋጽኡ ኣባላት ይሳተፉ ኣለው። ካብ ኦሽያንያ ኣትሒዝካ ክሳብ ኤስያ ካብ ኣፍሪቃ ጀሚርካ ክሳብ ኤውሮጳ ካብ ሰሜን ኣሜሪካ ጀሚርካ እታ ብላቲን ኣመሪካ እትፍለጥ ደቡብ ኣመሪካ ኩላ ተጋቢኣ ኣላ። እታ ብር.ሊ.ጳ ፍራንቸስኮስ ቢቫንጀሊ ጋውድዩም ወይ ሓሴት ወንጌል ዝተደልየድ መልክዕ ቤተክርስትያን ሎሚ በዚ ቤተክርስትያናዊ ዓለምሓቆፍ ርክብ ንጅምራ ኣሎና። እዚ ጒዕዞ እዚ በበይንኻ ትጐዕዞ ዘይኮነ ሲኖዶሳዊ ጒዕዞ ብሓባር ዝግበር ጒዕዞ ኰይኑ ቅድሚ ዝኣገረ እዛ ቅድሚ ሽድሽተ ዓመት ዝተጻሕፈት ሓዋርያዊት መልእኽቲ ር.ሊ.ጳ ኣብ ኩለን ማሕበራትን ብከመይ ተቀቢልናያ። ነዚ እንክንገብር ከኣ ነቲ ር.ሊ.ጳ ነዛ መልእኽቲ እዚኣ ክጽሕፉ እንከለው ምሉእ ጒስነታዊ መደቦም ኣብቲ ብ2012 ዓምፈ ዝተኻየደ ሲኖዶስ ኣበው ጳጳሳት ተመርኲሶም እዚ ከኣ ሓዲስ ስብከተ ወንጌልን እምነትና ካብ ወለዶ ናብ ወለዶ ንምትሕልላፍን ብዝብል መሪሕ ሓሳብ ዝተኻየደ ሲኖዶስ ምንባሩ ኩልና ንዝክሮ እዩ። ስለዚኸስ ኣብዘን ብጻዕቂ ክንሰርሓለን ተጋቢእና ዘሎና ዕለታት እዚአን ምስ ፈጸምና ምስቲ ጉባኤ ዘቅርቦ ለበዋታትን ምሕጽንታታትን ዳግም ምስ ር.ሊ.ጳ ተራኺበና ትምህርቶምን ማዕዳኦምን ክንሰምዕ ኢና።”

“እወ ኣሎ! ነቲ ኣብ ዙርያ ሓዲስ ስብከተወንጌል ኣብ ማሕበራትን ዝረኤ ዓቢ ምንቅስቃስ ኣይንረስዕ። ኣብዚ ርክብ እዚ ገሊኦም ምስክርነቶም ክህቡ ዝጸዋዕናዮም ንማለቱ ዘይኮኑ ንጉዳይ ስብከተወንጌል ብዝተፈላለየ መንገዲ ሕይወት ከምዝልበስ ዝገበሩን ዝምስክሩን ኣለው። መሥራቲት ሓደስቲ መኣዝናት ዝብል ምንቅስቃስ ቀንዲ ሥራሑ ከኣ ኣብ ጸገም ንዝርከቡ ሰባት ንምርካብ ምኻድ ዝኾነ ክያራ ኣሚራንተ ምስክርነታ ክትህብ እያ። ከምኡ እውን ጽባሕ ንግሆ ኣብ ካናዳ ነዚ ቃለ ምዕዳን ስዒቢ ዝተመሥረተ ካቶሊክ ክሪሽያን ኣውትሪቺንግ ካናዳ ኣብ ካናዳ ናይ ዝርከቡ ካቶሊካውያን ፈጢኑ ዝበጽሕ ማሕበር መሥረቲ ኣንድረን ኣንጅል ረኘን ነቲ ብዙሓት መንእሰያት ኣብ ስብከተወንጌል ተዋፊሮምሉ ዘለው ክምስክሩ እዮም። ከመይ ኣባላት ናይዚ ምንቅስቃስ እዚ መብዛሕትኦም መንእሰያት ኰይኖም ምሉእ ሕይወቶም ንስብከተወንጌል ዘወፈዩ እሞ ካብ ክፍልታት ዪኒቨርሲቲ ጀሚሮም ብምዝውታር ካብኡ ናብ ቊምስናታት ብምምዳብ ክሳብ ኣብተን ብናኣሽቱ ማሕበራት ክርስትያን ዝፍለጣ ብምብጻሕ ኣብታ ሰፋሕ ሃገረ ካናዳ ስብከተ ወንጌል የካይዱ ኣለው። ኣብ ርእሲ ድማ ብዙሓት ካብ ቊምስናታት ዝመጹ ነዚ ናይ ር.ሊ.ጳ ፍራንቸስኮስ መደብ ኣብ መደባት ሓዋርያዊ ኣገልግሎት ቊምስናታቶም ብምዝውታር ዝረኸብዎ ኣዎንታዊ ነገራት ክምስክሩ እዮም። ከምኡ እውን ካብ ደቡብ ኣመሪካ ናይ ኮሎምብያ ቦጎታ ጳጳስ ምስክርነት ክህልወና እዩ። ምስዚ እዚ ኩሉ ከኣ ክንርስዖ ዘይብልና ከምቲ ር.ሊ.ጳ ዝበልዎ ቤተክርስትያና ወትሩ ምስ ድኻታት ብምውጋን ከምእትሰርህ ዘመልክት ኣባ ልዊጂ ቾቲ ኣብ ሃገረ ጣልያን ጉጅለ ኣቤል ብዝብል ስም ዝመስረቶ ማሕበርን ዝህቦ ኣገልግሎትን ኣመልኪቶም ክምስክሩን ስብከተወንጌል ኣብቲ ማሕበረሰብና ዝጽዕኖ ማሕበረሰባዊ ጸገማት ዘለዎ ግደን ክገልጹላን እዮም። ናይ ኣለፖ ሃገረ ሲርያን መትሮጶሊጣ እውን ክህልው እዮም። ስለዚኸስ 360 ዲግሪ ናይ ዓለምና ምስ ፍሉይነቱ ዝሓዘ ምስክርነት ስብከተወንጌል ክህልወና እዩ ኢሎም።”