ሓሴት ወንጌል ንዝብል ቃለ ምዕዳን ር.ሊ.ጳ ፍራንቸስኮስ ሓዲስ ሓይልን ጠመተን ንሃብ! ብ.ኣ ሪኖ ፊዚከላ
አባ መኰንን አማኑኤል - ከተማ ቫቲካን
ሕጽር ብዝበለ መልክዑ ናይ’ዚ ዓለምለኸ ርክብ መሪሕ ሓሳብ ‘ንተልእኮ ካብ ገዛእ ርእሳ ኣብ ምውጻእ እትርከብ ቤተክርስትያን፡ ተቀባልነትን ኣንፈትን ሓሴት ወንጌል’ ዝብል እዩ። እዚ ብጳጳሳዊ ቤትምኽሪ ንሓዲስ ስብከተ ወንጌል ዝተወደበ ርክብ እዚ ካብ ሎሚ ክሳብ ዕለት 30 ሕዳር 2019 ዓምፈ ኣብ ከተማ ቫቲካን ኣብ ኣዳራሽ ጳውሎስ ሻድሻይ ኪካየድ እዩ። ኣብቲ ጉባኤ ካብ መላእ ዓለም ዝተጸውዑ ካርዲናላት ጳጳሳት ካህናት ዲያቆናት ተመሃሮ ዘርኣ ክህነት ገዳማውያንን ገዳማውያትን ሰብ ውፉይ ሕይወትን ዓለማውያንን ይሳተፉ ኣለው።
ካብቶም ኣብዚ ርክብ እዚ ምስክርነት ክህቡ ትጽቢት ዝግበረሎም ሓደስቲ መኣዝን ናይ ዝብል ማሕበር መሥራቲት ክያራ ኣሚራንተ ከምኡ እውን ማሕበር ጉጅለ ኣቤል ዝመሥረቱን ሓላፊ ናይ ሊበራ እትብል ምንቅስቃስን ኣባ ልዊጂ ቾቲ ይርከቡ።
ካብ ገዛእ ርእሳ ኣብ ምውጻእ እትርከብ ቤተክርስትያን!
እዚ ርክብ እዚ ሽድሽተ ዓመት ድሕሪ ሓዋርያዊ ቃለ ምዕዳን ሓሴት ወንጌል ይግበር ስለዘሎ ሽዑ ቅዱስነቶም ብከመይ ከምዝጀመርዎ ንምርኣይ ኣብቲ ቀዳማይ ሕጡበ ጽሑፍ ናይቲ ቃለ ምዕዳን ምልስ ኢልካ ምስ እትምልከት
ዝብል ይርከቦ። እዚ ከኣ ነቲ እግዚአብሔር ኣቀዲሙ ኣፍቂሩና ዝብል (1ዮሓ 4.10) መላእ ቤተክርስትያን ክተስተማቅሮን ቀዳማይ ስጉምቲ ከኣ ንሳ ባዕላ ብዘይ ምንም ፍርሒ ክትገብሮ ከምዘለው ነዚ ንምግባር ከኣ ካብ ገዛእ ርእሳ ውጽእ ኢላ ነቶም ርሒቆም ንዘለው ክተናዲ ኣብ ጐዳናታትን ቀራና መንገድታትን ከይዳ ነቶም ዝተነጸሉ ኰይኑ ዝስምዖም ኣብ መኣዲ ጐይታ ንክትዕድሞም ዝቀረበ ጻውዒት ነበረ። ሎሚ ከም ሎሚ ዝሕተት ዘሎ ከኣ ሓሴተ ወንጌልን ስብከተወንጌልን ብከመይ ይደጋገፍ ዝብል ሕቶ ንምምላስ እዩ።
ሓሴተ ወንጌልን ስብከተወንጌልን!
ፕረሲደትን ጳጳሳዊ ቤትምኽሪ ሓዲስ ስብከተ ወንጌል ነዛ ሕቶ ንምምላስን ቀንዲ ዕዮ ገዛ ናይዚ ርክብ ንምግላጽን ንኣገልግሎት ዜና ቫቲካን ኣብ ዝሃብዎ መብርሂ ከምዚ ይብሉ።
እንክብሉ ቀንዲ ዕላማ ናይዚ ዓለምለኸ ርክብ ምስ ገለጹ ቀጺላ ዝቀረበትሎም ሕቶ ምጽሓፍ ጥራይ ዘይኮነ እቲ ዝተጻሕፈ መልእኽቲ ከመይ ዝበለ ተቀባልነት ረኺቡ ነዚ ቃለምዕዳን እዚ ዝተዋህበ ግብረ መልሲኸ ኣሎዶ እንታይከ ይመስል እትብል ነበረት። ብፁዕነቶም ከምዚ ክብሉ ብኣዎንታ ይምልሱ።
በዚ ከምዚኸስ ክሳብ ለይቲ ሎሚ እዛ ኢቫንጀሊ ጋውድዩም ሓሴት ወንጌል እትብል ሓዋርያዊት ቃለ ምዕዳን ር.ሊ.ጳን ትምህርታን ተቀባልነታ ከመይ ከምዘሎ ብምዕዛብ ሓዲስ ሓይልን ጠመተን ክንህብ ንደሊ እንክብሉ ቃሎም ሂቦም።