ጠመተኹም ናብ ሰማይ ብምትኳር ንበሩ! ር.ሊ.ጳ ንስድራቤታት

“ካብታ ዘሎኹምዋ ነባራዊት ሕይወት ክንብገስ እሞ ካብኡ ብሕብረት ክንግስግስ ኣሎና። ልክዕ ከም ጽምዲ ሰብ ኪዳን ብሓንሳብ ዝጐዓዝዎ ምስ ካልኦት ስድራቤታትስ ይኹን ምስ ቤተክርስትያን ብሕብረት ምግስጋስ የድሊ። ኣብ ሕልናይ ቅጅል እትብለኒ ናይ ሕያዋይ ሳምራዊ ምሳሌ እያ፣ ነቲ ተጐዲኡ ዝረኸቦ ሰብ መጀመርያ ይቀርቦ ደሓር ምሉእ ሓላፍነት ለቢሱ ይሕግዞ ጒዕዞኡ ከምብሓዲሽ ንክጅምር ይረድኦ። ቤተክርስትያን ንኣኹም ከምዚ ሕያዋይ ሳምራዊ ክትኮነኩም እምነ። ኣብ ዘሎኹምዎ ዝቀርበኩም ንጒዕዞኹም ክትቅጽሉ ዝሕግዘኩም ንእሽቶ ስጒምቲ እውን ትኹን ቁሩብ ብሓባር ንቅድሚት ዘሰጒምኩም ሕያዋይ ሳምራዊ እምነየልኩም፣ እዚ ስጉምቲ እዚ ናብ ቃልኪዳን ገጽካ ዘምርሕ ይኹን ኢሎም።”

“ሓደ ሰብኣይን ሓንቲ ሰበይትን ክፋቀሩ ከለው እግዚአብሔር ሓደ ውህበት ይዕድሎም እዚ ከኣ ቃልኪዳን እዩ ክንብል ንኽእል። እዚ ብሓቂ ዘደንቅ ውህበት ኰይኑ ኣብ ውሽጡ ሓይሊ መለኮታዊ ፍቅሪ ሓያልን ነባርን እሙንን ፍቅሪ ኰይኑ ድሕሪ ዝኾነ ውድቀት ወይ ድኽመት ብኡ ንብኡ ከምእትትንስእ ዝገብር እዩ። ንሽሙ ጥራይ ካቶሊክ ኢና ብማለት ሓደ ሕጊ ክትፍጽም ወይውን ቤተክርስትያን ስለ እትብሎ ወይውን በዓል ክትገብር ቢልካ መርዓ ኣይግበርን፣ እንታይ ደኣ ኣብቲ ከም ከውሒ ጽኑዕ ዝኾነ ፍቅሪ ክርስቶስ ቃል ኪዳንካ ንምምስራት እዩ መርዓ ዝግበር፣ ኣብ መርዓ ኢየሱስ ንገዛእ ርእሱ የወፍየልኩም በዚ ከኣ ንስኹም ንነሕድሕድኩም ክትውፈዩ ሓይልን ጸጋን ትረኽቡ። እዚ ጸጋን ሓይልን እዚ ከኣ ንዝኾነ መስቀል ሓዳር ንምሽካም ሓደ ስጉሚ ንቅድሚት ይወስደኩም ኢሎም።”

“ብዛዕባ መስቀል ተዛሪብኩም! መስቀል ናይ ነፍስወከፍ ግለሰብስ ይኹን ስድራቤት ክፍሊ ሕይወት እዩ። ብዛዕባ እታ ከባድ መስቀል ሕማምን ሞትን ክያራ እንክትምስክሩ እዚ መስቀል እዚ ንስድራቤትኩምስ ይኹን ኣብ ልብኹም ንዘሎ ቅሳነትን ሰላምን ከዕኑ ከምዘከኣለ ገሊጽኩም። እዚ ሓቅዚ ኣብ ኣዕይንትኹም ይረኤ ኣሎ። ዝተሸነፍኩም ተስፋ ዝቈርጽኩም ምስ ሕይወት ዝተቆጣዕኩም ኣይትመስሉን። እኳ ደኣ ዓቢይ ቅሳነትን እምነትን ይረኤ፣ ቅሳነት ክያራ ንዘለዓለማዊ ሕይወት መስኮት ከፊቱልና ኢልኩም። ኣብቲ ፈታኒ እዋን ሕማም ከመይ ከምዝነበረትን ባራዩ ስቃይ ኰንኩም ከይትተርፉ ከመይ ቢልኩም ክትለዓሉ ከምእትኽሉ ከምዝገዘትኩምን ክንዮ እዚ ኩሉ ዓቢይ መደብ ምሥጢር እግዚአብሔር ማለት ዘለዓለማዊ ሕይወት መደብ መንግሥተ ሰማይ ርኢኹም ንክትክህሉ ኣርሒያትልኩም። እዚ ከኣ ንኩሉ ቊስልታት ናብ ዘሕዊ ምሕረት ሓደ ስጒሚ ንቅድሚት እዩ ኢሎም ነበሩ።”

“ፓል ኣብ ዝሃቦ ምስክርነት ኣብቲ ዝጸልመተ ቅልውላው ሓዳሩ ጐይታ ኣብ ልቡ ንሃህርታኡ ዝምልስ መልሲ ምስ ሃቦ ሓዳሩ ከድሕን ከምዝኸኣለ ገሊጹ፣ ኣብ ልቢ ነፍስወከፍ ፍቅሪ ዘይውዳእ ምዃኑን ነታ ብሓባር ዝጀመርካያ ጒዕዞ ፍቅሪ ከቋርጽ ከምዘይብሉ እቲ ኣባኣ ዝፈረየ ፍረ እውን ከይብተን ይረድእ። ኩሎም እዚ ሃረርታ እዚ ኣለዎም። ኣብ ሓጺር ግዜ ዝቊጸ ፍቅሪ ዝደሊ የለን። ስለዚ ከኣ ንሓዳር ክስጥሙ ዝደልዩ ጒድለታት ሸለልትነትን ሓጢኣትን ክመጹ ከለው እናተሳቀኻ ዋጋ ትኸፍል፣ እንተኾነ ኣብ ከምዚ ዚኣመሰለ ማዕበል እግዚአብሔር ወትሩ ኣብ ልብና ንዘሎ እዩ ዝምልከት፣ ካብዚ ሠናይ ሕልና ነቂልካ ከኣ ንምቅባል ሰባት ሓደ ስጒሚ ንቅድሚት ትኸይድ ኢሎም።”

“ኣብ መለኮታዊ ሓልዮት ተስፋ ብዘይምቊራጽኩም ኣመስግነኩም፣ በዚ ከኣ ጐይታ ብሰባት ገቢሩ ኣብ ሠናይኩም ከም ከምዝሰርሕ ትርእይዎ ኣሎኹም! ተቀበልቲ ኣጋይሽ ብዝኾኑ ስድራቤታት ኣብ ሕክምና ብነጻ ዝሕግዙ ሓካይምን ካልኦት ገበርቲ ሠናይ ሰብ ጽቡቅ ሕልናን ኣለው። ውግእ ኣብዚ ኩነታት እዚ ኣውዲቁ በቲ ሓደ ወገን ጭካኔ ደቂሰባት እንከርኢ በቲ ሓደ ወገን ዓቢ ሰብኣዊ ርሕራሔ ዘለዎም ሰባት ኣጓኒፍኩም፣ ሕሱምን ብሉጽን ክፍሊ ደቂሰባት ርኢኹም። እታ ተቀባሊት ስድራ ምቅባል ጽጉማት ካብ ሰማይ ዝወርድ ቡራኬ እዩ ዝበለቶ እውን ከም ሓቁ ሓደ ትዕድሊ ጸጋ ሰማያዊ ውህበት ስድራቤታት እዩ፣ እዚ ከኣ ናብ ሕውነት ኩሉ ዘመደ ኣዳም ሓደ ስጒምቲ ንቅድሚት እዩ ኢሎም።”