ኣብ ምያንማር ክብሪ ግርማ ወዲሰብ ክሕሎ እምሕጸን! ር.ሊ.ጳ
ቅ.ኣ.ር.ሊ.ጳ ፍራንቸስኮስ ሰንበት ዕለት 19 ሰነ 2022 ዓም ፍርቂ መዓልቲ ኣብ ቅርዓት ቅዱስ ጴጥሮስ ምስ ዝተጋብኡ ብኣሽሓት ዝቊጸሩ ነገድያንን ምእመናንን ጸሎተ መልአከ እግዚኣብሔር ምስ ደገሙ ኣብ ቢርማና ዝወርድ ዘሎ ዓመጽ ደው ንክብል ክብሪ ግርማ ደቂሰባት ክሕሎ ናብ ዓለምለኸ ማሕበረሰብ ጻውዒት ኣቅሪቦም፤ ንሕዝቢ ምንያማር ከይርስዑን መሠረታዊ ሰብኣዊ ሓገዝ ከቅርቡ ከማኡ እውን እቲ ግጭት ንቦታት እምነትን መዕቆቢ ሕሙማንን ኣብያተ ትምህርትን ከይጐድእ ሓደራ ኢሎም።
ዜና ቫቲካን!
ዓለምና ድሕሪ ግጭት ኡክራይናን ሩስያን ረሲዕዎም ካብ ዘሎ ብዙሓት ንዓለምና ዘናውጹን ኣብ ልዕሊ ዝከላኸለሎም ዘይብሎም ሕዝብታት መዓት ኣደራዕ ዘውርዱ ካብ ዘለው ግጭታት ሓደ ኣብ ምያንማር ዚካየድ ዘሎ ኮይኑ ቅዱስነቶም ነዚ ኣብ ልዕሊ ፍቅርቲ ምያንማር ክብሉ ዝገለጽዋ ሃገር ዘሎ ስቃይን መከራን ብምዝካር ድሕሪ ጸሎተ መል ኣከ እግዚኣብሔር ነዚ ዚስዕብ ጻውዒት ኣቅሪቦም።
ኩነታት ቢርማይና ምናዳ ጉዳይ ስደተኛታት ብጣዕሚ ኣብ ዘተሓሳስብ ኩነታት ከምዝበጽሔ ብ ዓሠርታት ዝቊጸራ ኣብያተክርስትያን ካቶሊካዊትቢቤተክርስትያን ብደብዳብ መዳፍዕን ነፈርትን ከምዝዓነው እንክምልከት ኮነ ቢልካ ል ዕሊ 450 ገዛውቲ መብዛሕቱኡ ናይ ካቶሊካውያን ብሓዊ ከምዝተቃጸለን ብ ኣሽሓት ዝቁጸሩ ስደተኛታት ኣብ ሃገረ ህንዲ ገጾም ይሃድሙ ከምዘለው ኣገልግሎት ዜና ካቶሊካዊት ቤተክርስትያን ናይቲ ከባቢ የመልክት፤ እቲ ቀንዲ ጸገም ናይ ሽማግለታትን ስንኩላንን ሕጻናትን ደቂኣንስትዮን ሕምማትን ምዃኑ እቲ ናይታ ሃገር ኣቡናት ናብ ዓለምለኸ ማሕበረሰብ ዘቅረብዎ ጥርዓን የመልክት።
20 June 2022, 14:06
