ናይ መኽሰብ ቅድድም ሰጊርኩም ሕይወት ንምቅባል ተቀዳደሙ! ር.ሊ.ጳ ንሕዝቢ ጃፓን
አባ መኰንን አማኑኤል - ሃገረ ቫቲካን
ቅዱስነቶም ነታ ኣብ ወንጌል ተጠቂሳ ዘላ ንመንግሥቲ እግዚአብሔር ከም መባዅዕቲ እተመልክት ምሳሌ መሠረት ብምግባ ካቶሊካዊት ቤተክርስትያን ጃፓን እውን ሽሕ’ኳ ውሑዳን እንተኾኑ ‘ትንቢታዊ መባዅዕቲ’ ናይታ ማሕበረሰቦም ብምዃን እታ ማሕበረሰቦም ንኩሉ ሕይወት ዝከላኸልን ዝከናኸንን’ መሪሕ ተኸቲላ ምስ ኩሎም ደቂ ዓዲ ምስቶም ካብ እምነቶምን ኣተሓሳስባኦምን ዝተፈልየ ርድኢት ዘለዎም እውን ከይተረፈ ‘እናተሓባበሩን እናተዛተዩን’ ሰላማዊ ማሕበረሰብ ክሃንጹ ጸዊዖም።
ርግጽ እዩ ሃገረ ጃፓን ዝማዕበለ ቊጠባ ትውንን ኰይኑ ግን ቅዱስነቶም ክሓብእዎ ዘይደለዩ ጉዳይ ናይቶም ውሑዳት ዘይኮኑ ካብዚ ምዕቡል ቊጠባ ተጐስዮም ኣብ ድኽነት ዝነበሩ ዘለው እዩ።
ኣብቲ ቅዳሴ ልዕሊ 50 ሺሕ ምእመናን ከምዝተሳተፉን ቅዱሰነቶም ኣብቲ እስታድዩም ብክፍቲ ማኪና ተዘዋዊሮም ሰላም ከምዝበሉን ንብዙሓት ኢዶም ብምንባር ከምዝባረኹን ምናዳ ከኣ ንሕጻናትን ንሕሙማትን ክሳብ ሓቊፍካ ብምስዓም ፍቅሮም ምስ ገልጹ ነቲ ስለ ውህበት ሕይወት ንምምስጋ ዘዕረጕኦ መሥዋዕተ ቅዳሴ ብቋንቋ ላቲን ኣዕረጉ።
ልዕልና ብትምህርትን ንጥቅሚ ክትብል ዝግበር መጽናዕትን ኣይርከብን!
ንዕለቱ ዝቀረብ ቃለ ወንጌል ካብ ማቴዎስ 6 ዝተወስደ ኰይኑ ኣብ ፍጻሜ ናይታ ኢየሱስ ንመጀመርያ ግዜ ዘቅርባ ትምህርቲ እትበሃል ኣብ ምዕራፍ 5 ዘላ ትምህርቲ ብጽዕና ኰይና ‘ብዛዕባ ጽባሕ ኣይትጨነቁ’ ንእትብል ቃል መንቀሊ ብምግባር ቅዱስነቶም ብዓንዲ ርእሱ እቲ ትምህርቲ ጎቦ ወይውን እታ ቀዳመይቲ ትምህርቲ ኢየሱስ ኣብ እምባ ወጸ ክምህሮም ከኣ ጀመረ እትብል እምባ እግዚኣአብሔር ዝግለጸሉን ዝፍለጠሉን ቦታ ምዃኑ ድሕሪ ምግላጽ ኣብ ጥርዙ ንምብጻሕ ግን እንታይ ኰን የድሊ ንዝብል ሕቶ ዝምልሹ ክመስሉ ከምዚ ኢሎም።
ናብራ ዕንኪላሎ!
እታ እንኮ መንገዲ ንመምህርና ጽን ኢልካ ምስማዕ ምዃና ዝገለጹ ቅዱነቶም እዚኣ ከኣ ሓዲሽ ሕይወት ትህበና እሞ ፍቊራት ደቂ ኣምላኽ ምዃና ነጻነት ከምእነስተማቅር ትገብረና እንተዘየሎ ኣብ ዕንኪላሎ ንነብር ኢሎም።
መኽሰብ ጥራይ ሃሰስ ምባል!
ቅዱስነቶም ቀቅድሚ እዚ ቅዳሴ ምስ መንእሰያት ጃፓን ኣብ ካተድራል ቅድስት ማርያም ዝገበርዎ ርክብ ብምዝካር ኣብኡ ካብ ዝተባህለ ሎሚ ከም ሎሚ ኣብዛ ምዕብልትን ሃብታምን እትበሃል ሃገረ ጃፓን ብማሕበረሰብ ዝተነጸሉ ሰባት ትርጉም ሕይወትን ህላዌኦምን ምርዳእ ዝሃርበቶም ከምዘለው ናይ ቶክዮ ሊቀጳጳሳት ብፁዕ ኣቡነ ታርቺዝዮ ኣብ ዘቅረብዎ ናይ እንቋዕ ደሓን መጻእኩም መደረኦም ከምዝገለጹሎም ዘኪሮም ከምዚ ኢሎም።
ንሓንቲ ውህድቲ ማሕበረሰብ ዘጋጥሙ ዕንቅፋታት!
ኣብ ናይ ዕለቱ ወንጌል ኢየሱስ ከይንጭነቅ ሓደራ ይብለና። ኣብ ሰማያዊ ኣቦና ምሉእ ምትእምማን ክህልወና ይጽውዕ። ርግጽ እዩ ኣብ ከባቢና እንታይ ይወርድ ኣሎ ከገድሰና እዩ ኰይኑ ግን ንሱ ቀዳምነት ክንህቦ ዘሎና ጉዳይ ከምዘሎኸኣ የብርሃልና።
ምስክርነት!
ኣብ ቅድሚ ከምዚ ዝበለ ኩነታት ከም ማሕበረክርስትያን ክንገብሮ ዘሎና ብቀዳምነት ንኩሉ ሕይወት ክንከላኸል ብርሕራሔን ፍቅርን ልግስን ጽን ኢልካ ምስማዕን ዝተቀለሰ ሕውነትን ምቅብባልን ምድግጋፍን ዝመለለዪኡ ማሕበር ብምቋም ክንምስክር ኣሎና። ነቲ እትውፈየና ሕይወት ከምዘላታ ሃንጐፍያ ኢልና ክንቅበላን ምስቲ ኩሉ ተኣፋፍነታን ንእሽቶ ምዃናን ርኢና ክንከናኸና ኣሎና። ቤተክርስትያን ከስ ናይ ዓውደ ውግእ መሐከሚ ዳስ ኰይና ንኩሉ ተቀቢልና ቊስሉ ክትፍውሰሉ። እዚ ኣቊሳል እዚ ካብ ብሕትውናን ተነጽሎን ጀሚርካ ድኽነቱን ጭንቀቱን ኩሉ ፈውሲ ዘድልዮ እዮ። ስለዚኸስ ንሕይወት ካብ ምቅባላ ጀሚርካ ክሳብ ምሕብሓባ ብተግባር ክንምስክር ሓደራ ኢሎም።