Ziara ya Kardinali Parolin inaendelea Sudan Kusini katika ishara ya amani!
Na Angella Rwezaula, - Vatican.
Kardinali Piero Parolin, Katibu wa Vatican akiwa katika ziara yake ya kichungaji nchini Sudan Kusini kwa mara ya pili kuanzia Jumatatu tarehe 14-17 Agosti 2023 kama mwendelezo wa ziara ya hivi karibuni ya Baba Mtakatifu Francisko nchini humo, mara baada ya kufika alikutana na viongozi wa Sudan Kusini akiwemo Rais Salva Kiir na Naibu wake na kushiriki katika upandaji wa baadhi ya miti kama ishara ya amani.
Kwa mujibu wa ratiba ya ziara hiyo, Jumanne tarehe 15 Agosti 2023, Kardinali Parolin amesafiri kwenda huko Malakal ambapo aliadhimisha Ibada ya Misa Takatifu katika Kanisa Kuu la Malakal na wakati huo huo Malakal ikiwa ni mwenyeji wa kambi kubwa ya watu waliokimbia makazi yao na ambao wako chini ya ulinzi wa Ujumbe wa Umoja wa Mataifa nchini Sudan Kusini (UNMISS). Eneo hilo lilianzishwa takriban muongo mmoja uliopita ili kuwahifadhi hadi wakimbizi wa ndani 12,000, lakini hadi sasa ina wakazi wapata 37,000. Kwa njia hiyo mgogoro wa wakimbizi wa Sudan Kusini bado ni mkubwa zaidi barani Afrika, na ambapo watu milioni 2.3 wanaishi kama wakimbizi katika nchi jirani na wengine milioni 2.2 wakiwa wakimbizi wa ndani. Nchi hiyo inaendelea kuteseka na urithi wa vita vya wenyewe kwa wenyewe, migogoro ya kikabila inayoendelea na hivi karibuni zaidi, athari mbaya zailizo sababishwa na mabadiliko ya tabianchi na kuacha mamilioni ya wakihitaji msaada kuwa kubwa sana
Kardinali Parolin , Katibu wa Vatican, Jumatatu tarehe 14 Agosti 2023 alipofika alipokelewa uwanja wa Ndege na viongozi kadhaa wa Kanisa, watawa, waamini na viongozi wa kiraia; alikutana na Rais Salva Kiir Mayardit, wa Jamhuri ya Sudan Kusini na makamu wake Rieck Machar na viongozi wengine na pia na Askofu Mkuu Stephen Ameyu.
Vile vile akiwa huko, aliungana na Vijana wa Kiekumeni na watoto wa Sudan Kusini katika kupanda miti kama ishara ya amani. “Kushuhudia kujitolea kwao bila kuyumba yumba kwa amani na jitihada zao zisizochoka za kuiendeleza kulitia moyo. Tukio hilo lilikuwa ni ufuatiliaji wa Hija ya Amani ya Kiekumene, na kuona kila mtu akikusanyika kwa ajili ya jambo moja kulitia moyo. Miti waliyopanda itasimama kama ishara yenye nguvu ya matumaini na umoja kwa vizazi vijavyo”, kwa mujibu wa taarifa kutoka eno la tukio lilitoangazwa kwenye ukurasa Facebook wa Baraza la Makanisa Sudan Kusini.
"Kushinda ‘pigo la kisasi’ kwa imani, tumaini na upendo", ndiyo maneno ambayo Kardinali Parolin aliendelea kuomboleza wakati wa mahubiri yake katika Kanisa kuu kuhusiana na vita vingi vinavyowakumba watu katika sehemu mbalimbali za dunia, ikiwa ni pamoja na vita vya wenyewe kwa wenyewe vya Sudan Kusini. Aliwakumbuka kwa hiyo watu wengi ambao wamekimbia makazi yao kwa sababu ya migogoro, huku akibainisha pigo kubwa la kulipiza kisasi ambalo alisema linaharibu jamii zao. Hata hivyo, aliongeza Kardinali Parolin, katika mahubiri yake kuwa tendo la Kupalizwa kwa Mama Maria kinawakumbusha Wakristo wote kwamba uovu hauna neno la mwisho kamwe na kwamba nguvu za wale wanaofedhehesha wengine ni za muda mfupi tu, kwa kuwa kiburi, silaha, na pesa zao hazitawaokoa”
Kardinali Parolin katika mahubiri aliwahimiza watu wa Sudan Kusini kumtegemea Kristo na mama yake kukumbuka kwamba tumaini kwa Mungu halikatishi tamaa, hasa Wakristo wanapochanganya tumaini letu na imani na matendo madhubuti ya huduma ya unyenyekevu kwa niaba ya amani. “Imani, upendo, unyenyekevu/ hasa udogo,” alisema Kardinali, Parolin “ndiyo njia ya Injili, njia ambayo Maria aliipitia na iliyompeleka hadi mahali penye ung’avu, kama Malkia, upande wa kuume wa Mwanawe Yes una kuwa ishara ya faraja na matumaini kwa ulimwengu wote.”
