Kërko

Cookie Policy
The portal Vatican News uses technical or similar cookies to make navigation easier and guarantee the use of the services. Furthermore, technical and analysis cookies from third parties may be used. If you want to know more click here. By closing this banner you consent to the use of cookies.
I AGREE
Presto
Programe Podcast
Një moment nga kremtimi i Mbrëmësures në Bazilikën e Shën Palit Jashtë Mureve vitin e kaluar (Media e Vatikanit) Një moment nga kremtimi i Mbrëmësures në Bazilikën e Shën Palit Jashtë Mureve vitin e kaluar (Media e Vatikanit)

Kremtimet e Papa Françeskut për janarin dhe fillimin e shkurtit

Ndër ngjarjet e shpallura nga Kryeipeshkvi Diego Ravelli, mjeshtër i kremtimeve papnore, Lutjet e dyta Mbrëmësore në Bazilikën e Shën Palit, jashtë mureve, në Romë për Javën e Lutjes për Bashkimin e të Krishterëve dhe ngjarjet e para jubilare.

R.SH. / Vatikan

Axhenda e Papës për javët e ardhshme është një gërshetim mes traditës dhe risive jubilare. Kryeipeshkvi Diego Ravelli, mjeshtër i kremtimeve liturgjike papnore, publikoi sot, më 8 janar, listën e ngjarjeve që Ati i Shenjtë Françesku do të kryesojë nga fundi i këtij muaji deri në fillim të muajit të ardhshëm.

Java e Unitetit të të Krishterëve

Tradita përfaqësohet nga kremtimi i lutjeve të dyta Mbrëmësore në Bazilikën e Shën Palit Jashtë Mureve, në Romë, planifikuar për 25 janar në orën 17.30, për Javën e Lutjes për Unitetin e të Krishterëve, e cila në 2025 do të arrijë edicionin e 58-të. Tema e zgjedhur për këtë vit është pyetja e marrë nga një varg i Ungjillit të Gjonit - "A e beson këtë?" - me tekstet për reflektim të redaktuara nga Komuniteti Manastir i Bose dhe të frymëzuar nga 1700-vjetori i Koncilit Kishtar të Nikesë, i pari koncil ekumenik në krishterim.

Mesha e parë për Vitin e Shenjtë

Të nesërmen, më 26 janar, në qendër të vëmendjes do të jetë i pari nga ngjarjet e mëdha të Vitit të Shenjtë, Jubileu i botës së komunikimit, i cili do të shohë Françeskun në altarin e Bazilikës së Shën Pjetrit në orën 9.30 për kremtimin e Meshës. Më 1 shkurt, në festën e Paraqitjes së Jezu Krishtit në Tempull, Papa do të kryesojë kremtimin e Lutjeve të Para të Mbrëmësores në orën 17:00 në Bazilikën e Vatikanit. Më pas të dielën e 9 shkurtit një tjetër ngjarje madhështore e Vitit të Shenjtë me Meshën e Françeskut për Jubileun e Forcave të Armatosura, Policisë dhe Sigurisë, programuar për në orën 10.30 në Sheshin e Shën Pjetrit në Vatikan.

08 janar 2025, 12:14
Prev
April 2025
SuMoTuWeThFrSa
  12345
6789101112
13141516171819
20212223242526
27282930   
Next
May 2025
SuMoTuWeThFrSa
    123
45678910
11121314151617
18192021222324
25262728293031