Kërko

Cookie Policy
The portal Vatican News uses technical or similar cookies to make navigation easier and guarantee the use of the services. Furthermore, technical and analysis cookies from third parties may be used. If you want to know more click here. By closing this banner you consent to the use of cookies.
I AGREE
Allegro vivace
Programe Podcast
2024.12.05 prezantimi i bordit të ri të Rrjetit Botëror të Lutjeve të Papës 2024.12.05 prezantimi i bordit të ri të Rrjetit Botëror të Lutjeve të Papës

Emërohet bordi i ri drejtues i Rrjetit Botëror të Lutjeve të Papës

Në zyrën e shtypit të Selisë së Shenjtë u prezantuan drejtuesit e rinj të Shoqatës Papnore Rrjetit Botëror të Lutjes. Drejtor ndërkombëtar është zgjedhur At Cristóbal Fones Claro: rinovimi i "zemrës së misionit të Kishës". At Fornos: mobilizimi i katolikëve për t'u përballur me sfidat e njerëzimit. At Lombardi: "Mbështetja teknike" mbetet "në shërbim të Shpirtit".

R.SH. - Vatikan

Përtëritja e gjuhëve të lutjes, pikëmbështetjae "e misionit të Kishës", nëpërmjet mjeteve të reja të komunikimit dhe nisja nga një transformim intim "i zemrës", sepse aty qëndron e gjithë e mira, por edhe e keqja, e shoqërive tona. Këto janë shpresat dhe objektivat mbi të cilat do të orientohet puna e drejtuesve të ri të Rrjetit Botëror të Lutjeve të Papës, lindur në 2014 nga rithemelimi i Apostullatit të Lutjes dhe themeluar si Vepër Papnore nga Ati i Shenjtë Françesku në vitin 2018. Drejtuesit e ri u prezantuan sot, më 5 dhjetor, në Zyrën e Shtypit të Selisë së Shenjtë, nga At Frédéric Fornos, jezuit, i cili do të përfundojë mandatin e tij si drejtor ndërkombëtar të Rrjetit Botëror të Lutjes në fund të vitit.

Kështu, jezuiti At Frederico Fornos, drejtor ndërkombëtar i Rrjetit Botërore të Lutjeve Papës që nga viti 2016, lë postin e tij dhe prezanton bordin e ri drejtues që do të udhëheqë veprën papnore që është Rrjeti Botëror i Lutjeve të Papës – e cila përfshin edhe lëvizjen Eukaristike të të rinjve - lindur me synimin e mobilizimit të katolikëve në lutje dhe veprim përballë sfidave të njerëzimit dhe misionit të Kishës.

Ekipi i ri drejtues, i prezantuar sot në Vatikan, përbëhet nga: jezuiti At Cristóbal Fones Claro, kilian 49-vjeçar, si drejtor i ri ndërkombëtar, i emëruar nga Papa Françesku duke filluar nga janari 2025; jezuiti At Miguel Pedro L. Almeida Texeira Melo, 38 vjeç portugez, si zëvendësdrejtor duke filluar nga korriku 2025; dhe znj Bettina Raed, 55-vjeçare laike me kombësi argjentinase, drejtoreshë ndërkombëtare që nga shtatori 2024 dhe koordinatore për Amerikën Latine nga viti 2022. Ndër detyrat e organizatës - ish Apostullati i Lutjes -, janë ndjetet mujore të lutjes që Papa i beson me video-mesazhe dhe përhapja në mediat sociale përmes Rrjetit Global për gjithë besimtarët kudo në botë.

Për drejtorin e ri ndërkombëtar të Rrjetit Botëror të Lutjeve të Papës At Fones Claro, i cili që në janar ka filluar bashkëpunimin me ekipin drejtues, At Fornos thotë se "ka një përvojë të madhe në shoqërimin e të rinjve dhe në rolin e tij si përgjegjës për formimin e jezuitëve në provincën e tij, së bashku me shumë aftësi të tjera, kështu që tashmë kanë dhënë një kontribut domethënëse në përmirësimin e misionit tonë, sidomos në kontekstin organizativ. Prandaj jam i bindur se e ardhja e tij si drejtues ndërkombëtar do të shënojë fillimin e një faze shumë pozitive për Rrjetin Botëror të Lutjeve të Papës”.

Për këte foli edhe At Federico Lombardi, i cili prej disa vitesh bënë pjesë në bordin drejtues, duke kujtuar se “Bërthama e spiritualitetit që promovohet sillet rreth Zemrës së Jezusit". "Unë e vlerësoj angazhimin për të gjetur gjuhë dhe forma të promovimit sa më të përshtatshëm me botën në të cilën jetojmë sot, me modalitete komunikimit që ekzistojnë – tha Atë Lombardi -. Mendoj në mjetet dixhitale, pa braktisur mjetet e mëparshme të komunikimit, të cilat garantojnë vazhdimësi me gjeneratat më të avancuara në mosha.

Vetë përkufizim i 'Rrjetit Botëror të Lutjeve të Papës’ më duket shumë i qëlluar dhe shumë mirë i realizuar. Iniciativat e 'Videomesazheve të Papës për të shpjeguar dhe për bërë të njohur synimet a ndjetet e lutjes dhe 'Click to Pray’ ' për të sugjeruar dhe shoqëruar lutjen e njerëzve dhe grupeve përmes kanaleve dixhitale aktuale, janë rezultat i krijimtarisë dhe punës së gjatë, inteligjente dhe të durueshme, e sigurisht që duhet të vazhdojë dhe të inkurajohet”. Sipas ish-zëdhënësit të Vatikanit, “është e qartë se Papa Françesku ka dhënë një kontribut vendimtar në këto zhvillimet dhe ne jemi jashtëzakonisht mirënjohës. Tani, me Enciklikën e tij të fundit na drejton vëmendjen dhe zemrën drejtë shërbimit tonë themelor që është pikërisht Zemra e Jezusit”, pohon At Lombardi

05 dhjetor 2024, 13:55
Prev
April 2025
SuMoTuWeThFrSa
  12345
6789101112
13141516171819
20212223242526
27282930   
Next
May 2025
SuMoTuWeThFrSa
    123
45678910
11121314151617
18192021222324
25262728293031