Sinodi: ‘fetë duhet të denoncojnë fundamentalizmin’

R.SH. / Vatikan

Në konferencën e stome për shtyp mbajtur në zyrën e shtypit të Vatikanit, u bë apeli që Asambleja e Ipeshkvijve të përjetojë sinodalitetin e Kishës si një rast të volitshëm për të bërë thirrje për paqe  dhe respektimin e të drejtave të njeriut në botë.

"Një thirrje urgjente për paqe në emër të Sinodit", së bashku me një thirrje tjetër për "të gjitha fetë që të dënojnë fundamentalizmin" me një zë të vetëm. Kjo është kërkesa e dyfishtë që del nga Sesioni dytë i Asamblesë XVI të Përgjithshme e të zakonshme të Sinodit të Ipeshkvijve që po zhvillohet në Vatikan që nga 2 e deri më 27 tetor. Apeli, siç u shpjegua në konferencën e përditshme me gazetarët kushtuar punimeve të Sinodit, u mirëprit nga duartrokitjet e 340 të pranishmëve në Sinod.

"Më shumë se një delegat - u tha gazetarëve Sheila Leocádia Pires, Sekretarja e Komisionit të Informacionit të Sinodit, - propozoi të bëhet një apel urgjent për paqe në emër të të gjithë Sinodit". Të tjerë theksuan se "fjalët e Papës për paqen nuk kuptohen gjithmonë nga të gjithë. Pati duartrokitje kur u tha se duhet të denoncohet fundamentalizmi dhe trafiku i armëve, sepse kur lëshohen raketa, dikush pasurohet”. Nga Sinodi Ipeshkvijve doli në pah gjithashtu se “për paqen, përveç lutjes, duhet edhe denoncimi”.

340 pjesëmarrësit Sesioni dytë i Asamblesë XVI të Përgjithshme e të zakonshme të Sinodit të Ipeshkvijve dëgjuan dëshminë prekëse të Imzot Khairallah nga Libani i shkatërruar nga luftimet, ipeshkëv i Saturné, pastaj dëshminë e  dhimbshme e të sinqertë nga Haiti gjithnjë e më i pasigurt: "Kushdo që duhet të sjellë rend deri tani, nuk ka qenë në lartësinë e detyrës". Nga Filipinet, u fol për realitetin e një Kishe misionare nëpër fshatra për të shoqëruar migrimet drejt qyteteve.

Kujtojmë se nesër pasdite Papa Françesku shkon në Bazilikën e Shën Marisë së Madhe (Santa Maria Maggiore) në Romë, së bashku me anëtarët e Sindoit, për të lutur Rruzaren për paqe, ndërsa për datën 7 tetor Papa ka kërkuar që të jetë një dita lutjeje dhe agjërimi për paqen në botë.