Kërko

Cookie Policy
The portal Vatican News uses technical or similar cookies to make navigation easier and guarantee the use of the services. Furthermore, technical and analysis cookies from third parties may be used. If you want to know more click here. By closing this banner you consent to the use of cookies.
I AGREE
Ouverture A Midsummer Night's Dream
Programe Podcast

Një mbishkrim i lashtë i krishterë me emrin e Krishtit nga shekulli III rikthehet në Itali

Të dielën e kaluar, më 13 tetor, u zhvillua ceremonia e zbulimit të një epigrafi shkruar mbi një rrasë varri, vjedhur në vitet 1980 e tani të rikthyer rishtas në vendin e tij, në katakombet Ad decimum, në Grottaferrata. I shkruar në greqisht, ka vlerë të veçantë, sepse mbi të lexojmë emrin e Jezusit, shkruar aty që në shekullin III pas Krishtit. Nuk flet për vdekje, por për ringjallje!

R.SH. - Vatikan

Gjindet një mbishkrim funeral, që nuk flet për dhimbje dhe vdekje, por këndon  himnin e gëzimit, "sepse - shkruhet - shpirti yt është i pavdekshëm me Krishtin". Është dëshmi e rëndësishme e të krishterëve të parë, veçanërisht sepse një nga rastet e para në të cilat shfaqet emri i Shëlbuesit. Nga e diela,  13 tetor është sërish në vendin e zanafillës, në katakombet Ad Decimum në Grottaferrata, jo shumë larg Romës. Qe vjedhur në vitet 1980 e, përmes rrugëve të tregut të antikave, dhuruar nga një koleksionist privat manastirit e Muzeut Catharijne, në Utrecht.

Falë bashkëpunimit të institucioneve vatikanase, italiane dhe holandeze, Karabinierët e Komandës së Mbrojtjes së Trashëgimisë Kulturore, në bashkëpunim të ngushtë me policinë holandeze, lejuan rikuperimin dhe rrjedhimisht kthimin e kësaj shprehjeje kaq të lashtë, e njëkohësisht kaq te re, që të kujton ringjalljen. Pikërish tani kur afrohen “Të Shumat” e ndizen mijëra qirinj në mbarë botën.

Të pranishëm në ceremoninë, e cila u zhvillua në mënyrë emblematike një ditë pas Ditës VII të Katakombeve - Edicioni i vjeshtës, ishin një mori të gjallësh, nga vise të ndryshme të botës, në meditim…

Një varrezë për një qytet të vogël

Mbishkrimi tani ndodhet rishtas në katakombet e Ad Decimum në Via Latina, domethënë në miljen e dhjetë, 15 kilometra nga Porta Capena. Toponimi rrjedh nga pika e dhjetë dhe më pas nga stacioni postar i përmendur në tabulën Peutingeriana me të njëjtin emër. Fillimisht, vendi ishte një fshat i Tusculum aty pranë, Vicus Angulasculus. Nuk ishte varrezë funksionale për qytetin, por për popullsinë që banonte në qendër dhe në vilat përreth.

Katakombet e Ad Decimum përmbajnë rreth 1000 varre të shpërndara gjatë një periudhe kohore ndërmjet shekujve III dhe IV. Këto janë dy tunele kryesore paralele rreth të cilave degëzohen tunele të tjera më të vogla, për një total prej 250 metrash.

Kushtim i një dhëndëri

Mbishkrimi, i lyer me ngjyrë të kuqe, gjendet në tunelin "C", më i vjetri nga këto katakombe dhe daton në gjysmën e dytë të shek. III. Është në greqisht dhe pjesërisht i gjymtuar, por gjithsesi i lexueshëm e i plotë: “Qofsh e lumtur, o Musena Irene, shpirti yt është i pavdekshëm me Krishtin! Dashuria e të shoqit e vendosi këtu, ku jetoi 22 vjet”.

Është “loti shumëshekullor” i bashkëshortit për nusen e re, e cila vdiq në moshën 22-vjeçare e “fle aty po në atë moshë!”. Dheu vijon të na kujtojë

atë funeral pagan, por duke e mbuluar me shpresë e me gëzim, domethënë,  duke nënvizuar përkatësinë e thellë të fesë së krishterë.

Die natalis, dita e lindjes, përkon me fundin e jetës tokësore dhe fillimin e një bashkimi të ri të pafund me Zotin. E çka ka rëndësi të veçantë në këtë mbishkrim, është prania e emrit të Krishtit, Zotit që, kur na vdes një njeri i dashur, na siguron se:

Ne, po edhe zemra mbi vorr tand t’ pervujtun
Na ndizet kah punët e mbara e kah burrnia.
Permbi vorr t’ and, po, nxâmë të fortë me e mbajtun
Besen e dhanun – e miqesin e zanun;
Per Fé e per Atme n’ ballë me i dalë rrezikut:
Të ligështit doren me ia ngjitë e t’ fortin
Mos me e gledhue; kur t’ jet me u thanë e drejta.
Mos me i shmangë sytë prej cakut, n’ t’ cilin mendja
Dishron me u kapë, as kurrë mos me u ligshtue
Nder sa t’ vishtira, qi t’ na sjellin motet.
Po, po! Se pré’ atij vorri kem me e shkepun
Hovin kah punët e mëdha. Ai Kryq dëllijet,
Mneren e vorrit qi ta zbutë, Ai qanderr
Ka me m’ kenë nder salvime…

E kështu ma t’ kjarta mbas disa qindvjetëve
Nipat ma t’ vonët kanë me i këndue, e emni,
Sa t’i bjerë dielli tokës s’ka me u harrue….

(Atë Gjergj Fishta, “Nji lule vjeshte”)

Ringjallje!

As epigrafi i vjedhur nga rrasa e varrit të lashtë të Katakombeve Ad decimum e i rikthyer, e as kjo kangë e Fishtës, shkruar në shekullin e kaluar, nuk flasin për vdekje, por për ringjallje! Si mijëra epitafe që i këndojnë jetës së pambarim! E kështu me mijëra epitafe do të flasin në shekuj të shekujve! Deri te fjala e fundit shqiptuar mbi dhe! Deri në Ditën e Gjyqit të Mbram! Deri te ringjallja….

19 tetor 2024, 10:56
Prev
April 2025
SuMoTuWeThFrSa
  12345
6789101112
13141516171819
20212223242526
27282930   
Next
May 2025
SuMoTuWeThFrSa
    123
45678910
11121314151617
18192021222324
25262728293031