Sheshi i Shën Pjetrit dhe Bazilika, kopsht shumëngjyrësh për Pashkë
R.SH. / Vatikan
Skena mahnitëse e luleve dhe e pemëve, ardhur nga Italia dhe Hollanda, do ta zbukurojë edhe sivjet Sheshin e Shën Pjetrit dhe Bazilikën e Vatikanit me rastin e Javës së Madhe të Pashkëve 2024. Guvernatori i Shtetit të Qytetit të Vatikanit flet për rregullimet dhe, në një deklaratë për shtyp, nënvizon se "gjatë Natës pa gjumë të Pashkëve do të krijohen dekorime me lule, falë edhe kontributit të profesorëve të floristikës të Qendrës Bioteknologjike Naklo të Sllovenisë" dhe se, "në dritën dhe gëzimin e Krishtit të Ngjallur, në solemnitetin e Pashkëve, të dielën, më 31 mars, Sheshi i Shën Pjetrit do të jetë kopsht i pafundmë shumëngjyrësh, me mijëra lule dhe bimë që vijnë nga Holanda.
Kompozimet do të krijohen falë kontributit bujar të luleshitësve holandezë në bashkëpunim me punonjësit e Shërbimit të Kopshteve dhe Mjedisit të Drejtorisë së Infrastrukturës të Guvernatoratit të Shtetit të Qytetit të Vatikanit”. Zbukurimi me lule, përveçse nënvizon shenjtërinë e liturgjisë, është i pasur edhe me elementet simbolike të mesazhit të Pashkëve.
Lulet për të Dielën e Larit dhe Javën e Madhe
Në njoftimin për shtyp saktësohet se, me rastin e të Dielës së Larit, më 24 Mars, "degëzat e ullirit do të shpërndahen nga Shoqata Kombëtare e Qyteteve të Naftës, Rajoni i Sardenjës", koordinuar nga Antonio Balenzano, drejtor kombëtar i Shoqatës, ndërsa furnizimi me "Palmat Fenix”, dhuruar nga udha neokatekumenale, do të vijnë nga Zyra e Festimeve Liturgjike të Papës. Kujtohet se “nuk do të mungojnë as palmurelet, apo palmat e gërshetuara, furnizuar nga ndërmarrja e Errico Grazia, në Sanremo”.
"Drurët e ullirit pranë shtatoreve të shenjtorëve Pjetër dhe Pal, rrëzë oborrit të kishës dhe obeliskut, do të vendosen nga florovivaistika e hortikulturës Flora Olanda e Romës. Dekorimi me lule i Sheshit të Shën Pjetrit do të realizohet tërësisht nga punonjësit e Shërbimit të Kopshteve dhe Mjediseve vatikanase.
