Paraqitja e veprës poetike “Të huaj përmbi dhe” të kardinalit de Mendonça

Vepra do të paraqitet të hënën, më 12 shkurt, në orën 18:00, në Milano në Sallën Pio XI. Lina Bolzoni, profesoreshë nderi në Shokollën Normale Superiore të Pizës, do të diskutojë me prefektin e Dikasterit të Selisë së Shenjtë për Kulturën dhe Arsimin

R.SH. / Vatikan

Quhet “Estranei alla terra” – “Të huaj përmbi dhe” vëllimi që përmbledh Strada bianca(Udha e bardhë-2005) dhe Teoria della frontier(Teoria e kufirit- 2017), dy nga librat më të rëndësishëm me poezi të kardinalit José Tolentino Mendonça, prefekt i Dikasterit të Selisë së Shenjtë për Kulturën dhe Arsimin.

Vëllimi, i botuar nga shtëpia botuese Crocetti, do të paraqitet në Milano të hënën, më 12 shkurt, në orën 18, në Sallën Piu XI të Universitetit Katolik të Zemrës së Krishtit. Po botojmë një nga poezitë, titulluar Engjëjt e Zotit, kushtuar emigrantëve klandestinë, që vijojnë të shtegtojnë pa cak e pa strehë nëpër viset e një bote tepër pak mikpritëse, duke u munduar të kapërcejnë detet, që shpesh shndërrohen në varreza!

Engjëjt e Zotit…

Engjëjt e Zotit do të jenë gjithmonë klandestinë…

Mbushin autobusët e parë për në qendër,

lexojnë gazetat falas,

presin të hapet sërish deti,

në një dhomë me qira në periferitë

ku supermarketet nuk quhen Conad e Rinascente

por Lidl ose Discount…

E lehtë ta dallosh fytyrën e tyre transparente

pse hyjnë e dalin në vetmi [...]

Në sheshet e mëdha të Evropës kudo që të shkosh

e njëjta fytyrë pas ekraneve prej xhami të policisë.