Irak, dhimbja e Françeskut për tragjedinë e zjarrit në dasmë
R.SH. / Vatikan
Lajm i tmerrshëm, aq më tepër për shkak se tmerri ndodhi gjatë një dite që është simbol gëzimi, një festë dasme. Është ajo që ka bërë xhiron e botës ditët e fundit, historia e një dasme që përfundoi në tragjedi kur, më 26 shtator të kaluar, një zjarr dogji kasollen ku po zhvilloheshin festimet e një çifti të sapomartuar në Qaraqosh, në Irakun verior, duke shkaktuar vdekjen e 114 personave dhe plagosjen e 200 të tjerëve, shumë me djegie të rënda.
Në një telegram të nënshkruar nga Sekretari i Shtetit të Vatikanit, kardinali Pietro Parolin, dërguar Kryeipeshkvit të Mosulit të Sirianëve Benedectos Younan Hano, Papa thotë se është "thellësisht i pikëlluar kur mësoi për pasojat shkatërruese" të zjarrit dhe siguron "afërsinë shpirtërore me çdo viktimë e kësaj tragjedie”, me një lutje të veçantë për familjet e viktimave, për të lënduarit dhe për shpëtimtarët.