Kardinali Parolin do të përfaqësojë Papën në kurorëzimin e Karlit III
Sekretari i Shtetit të Vatikanit do të përfaqësojë Papën Françesku në ceremoninë e kurorëzimit të Karlit III, mbretit të Mbretërisë së Bashkuar të Britanisë së Madhe dhe të Irlandës së Veriut dhe i 14 mbretërive të tjera të Commonwealth-it
R.SH. – Vatikan
Sekretari i Shtetit të Vatikanit, kardinali Pietro Parolin, do të përfaqësojë Papën Françesku në kurorëzimin e Karlit III, mbretit të Mbretërisë së Bashkuar të Britanisë së Madhe dhe të Irlandës së Veriut dhe i 14 mbretërive të tjera të Commonwealth-it.
Një deklaratë e sotme (4 maj) e Sallës së Shtypit e Selisë së Shenjtë njofton se kardinali do të jetë i pranishëm në Westminster Abbey të shtunën, më 6 maj 2023, për të përfaqësuar Papën dhe Selinë e Shenjtë.
Kjo ceremoni do të jetë e para që kur nëna e Karlit, mbretëresha Elizabeta II, e cila vdiq në shtator 2022, u kurorëzua në qershor 1953. E gjithë ngjarja do të transmetohet drejtpërdrejt nga televizioni publik britanik, BBC.
04 maj 2023, 16:27