Një bukë për Papën, dhuratë e hungarezëve për mirëseardhjen e Françeskut
Agnes Gedő – Budapest
Më 25 prill, në festën e Shën Markut Ungjilltar, Kisha në Hungari bekon grurin. Dhe pikërisht në këtë ditë u prezantua para shtypit përgatitja e bukës që do të përgatitet në selinë e Konferencës së Ipeshkvijve të Hungarisë përpara ardhjes së Papës. Kata Sümeghy e ka sjell brumin nga shtëpia saj dhe me mjeshtëri e dashuri e punoi brumin. Në familjen e saj që prej tre vitesh bëjnë bukë në shtëpi.
Fryt i punës që i jep dinjitet njeriut
Buka simbolizon mikpritjen e Hungarisë ndaj Atit të Shenjtë, një gjest i thjeshtë por kuptimplotë, një shenjë e mirëseardhjes nga populli. "Ne dëshirojmë që Ati i Shenjtë ta kërkojë bukën," thotë Kata Sümeghy, përgjegjëse e Konferencës së ipeshkvijve hungarez për shtyp, e cila dhjetë vjet më parë kreu studimet e saj në Universitetin Papnor ‘Santa Croce’ ku, nëpërmjet kardinalit lëmoshtar Konrad Krajewski, ajo e ka përjetuar ndihmën e Papës. Tani është ajo që falënderon Papën me gjestin e bukës.
Puna në skuadër
"Imzot Tamás Tóth, koordinator i përgjithshëm i vizitës papnore në Hungari - shpjegon Sümeghy - më kërkoi të përgatisja bukën për Papën Françesku, e cila do t'i dorëzohet më 28 prill, pas mbërritjes së tij në Budapest, nga dy të rinj të veshur me kostume popullore tradicionale hungareze". “Buka – shton ajo – përgatitet me majanë tradicionale dhe përmban vetëm miell, ujë dhe kripë. Buka është e veçantë sepse është rezultat i një pune të vërtetë të përbashkët, ekipore, falë stafit të Konferencës së Ipeshkvijve të Hungarisë që furnizuan materialin dhe enët për ta servirur”.
Tradita
Në Evropën Qendrore është zakon të mirëpret Pasardhësi i Pjetrit me këtë dhuratë: ndodhi kështu edhe në Bratislavë gjatë vizitës së Papa Françeskut në Sllovaki në vitin 2021. Shenjti pajtor qiellor i bukës dhe i punës është Shën Cayetano nga Thiene, i cili prej vitesh nderohet edhe në Argjentinë. Gajtani apo Gaetano (në italisht), meshtar, themelues i teatinëve, ishte një fisnik vinçentin, që jetoi ndërmjet shekujve XV e XVI. Shën Gajtani nderohet shumë në Argjentinë, në atdheun e Papës Françesku, si Pajtori qiellor i “bukës dhe i punës”. Shenjtërorja e tij ndodhet në lagjen Liniers të Buenos Ajresit, zonë periferike e kryeqytetit argjentinas.
Papa Jorge Mario Bergoglio është i lidhur me këtë shenjtor, pasi si kardinal ka kremtuar Meshë në Shenjtërore që bartë emrin e tij në lagjen Liniers të Buenos Ajresit, zonë periferike e kryeqytetit argjentinas. “Të sjellësh bukën në shtëpi, fryt i punës, i jep dinjitet njeriut”, ka ripohuar gjithmonë Papa.
1002aem.jpg
