Papa kujton presidentin e Emirateve të Bashkuara Arabe, njeriun e dialogut
R.SH. - Vatikan
Papa thotë se është "i pikëlluar" nga vdekja e Sheikh Khalifa Bin Zayed Al Nahyan, President i Emirateve të Bashkuara Arabe dhe sovran i Abu Dhabit, i cili vdiq më 13 maj të kaluar. Në një mesazh ngushëllimi, Ati i Shenjtё Françesku shpreh ngushëllimet dhe lutjet e tij, duke i bërë homazhe "lidershipit tё tij të shquar dhe largpamës në shërbim të kombit".
Ati i Shenjtё Françesku kujton edhe vëmendjen e Sheikh Khalifa Bin Zayed Al Nahyan ndaj Selisë së Shenjtë dhe ndaj komuniteteve katolike në Emirate, por edhe "përkushtimin e tij nё mbështetje tё vlerave të dialogut, mirëkuptimit e solidaritetit midis popujve dhe traditave fetare të shpallura solemnisht nga dokumenti i historik i Abu Dabit dhe mishëruar nga Çmimi Zayed për Vëllazërinë Njerëzore”.
Papa uron që trashëgimia e tij të mund tё vazhdojë t’i frymëzojë "përpjekjet e burrave dhe grave vullnet të mirë kudo, për të ngulmuar në thurjen dhe përforcimin e lidhjeve të unitetit dhe paqes ndёrmjet anëtarëve të familjes sonë njerëzore". Së fundi, Papa Françesku i siguron lutjet e tij pёr Sheikh Mohammed bin Zayed Al Nahyan, të cilit ia drejtoi mesazhin, familjes së tij dhe "popullit të dashur të Emirateve të Bashkuara Arabe" pёr vdekjen e Sheikh Khalifa Bin Zayed Al Nahyan.