Lutja për paqe në Ukrainë
R.SH. - Vatikan
Lutja për paqe
Të shumëdashur, në këto orë dramatike, kur lufta, po e shkreton Ukrainën, sulmuar pa pyetur për asgjë e për askënd, nga Rusia e Putinit, të lutemi për të gjithë ata, që vuajnë, e të kërkojmë kthimin e mendjeve e të zemrave, që të duan një paqe të drejtë, për të gjithë. Ju ftojmë të lutemi me fjalët që pasojnë:
O Zot, Ati ynë, frymëzoje ndër të gjitha zemrat
dëshirën për paqe,
kur nëpër palcin e eshtrave
popujt ndjejnë frymën e vdekjes.
Frymëzoje vullnetin e palëkundur
për t’u realizuar si dhurata Jote,
e për t’u pranuar si fryt i respektit
për të gjitha krijesat njerëzore,
shembëllesa Jote,
që dirgjen sot shtigjeve
në kërkim të një strehe…
E për të krijuar me të gjithë
lidhje drejtësie e paqeje,
paradhënie e profecisë së qytetit qiellor,
ku dashuria Jote do të dalë fitimtare
mbi çdo armiqësi e çdo frikë.
Sot britma jonë për paqen
prek qiellin me dorë:
“Mari, Nëna e Jezusit e nëna jonë:
lutu për ne, që të jemi punëtorë të paqes
e t’i japim fund çdo dhune
me dialogun e forcën e faljes:
ashtu si na mësoi Krishti, yt Bir,
që na bëri të aftë me dashurinë e Tij të pacak.
andej kufijve të botës njerëzore!
Lypim ndërmjetësinë tënde,
e fjalët e zemrës sate
si aroma lulesh të pranverës.
Largoje terrin prej dritash,
me ndërmjetësinë tënde, Mbretëreshë e paqes,
të Shën Mikelit Kryeengjëll
e të gjithë shenjtorëve pajtorë të Ukrainës.
Nëpër të njëjtin Krisht, Zotin tonë.
Amen!