Nënshkrimi i marrëveshjes ligjore midis Angolës e Selisë së Shenjtë
R.Sh. - Vatikan
Nesër, në Vatikan, Ministri i Punëve të Jashtme i Angolës, Manuel Augusto, pas bisedimeve komplekse diplomatike, do të nënshkruajë, me zyrtarët e lartë të Sekretarisë së Shtetit të Vatikanit, marrëveshjen kornizë juridike ndërmjet Angolës dhe Selisë së Shenjtë Apostolike. Dokumenti, pasi shqyrtoi gjatë çështjen e Kishës katolike në vend, njeh personalitetin juridik të Kishës Katolike në Angolë, ku deri më sot, që nga pavarësia nga Portugalia (1975), ka vepruar e funksionuar, de-fakto, në një lloj regjimi.
Këto negociata filluan në mars të vitit 2018 pasi Presidenti angolan, João Lourenço, ngriti një komision ndërministror për negociata, që do të trajtonin këtë instrument të rëndësishëm ligjor. Marrëdhëniet bilaterale ndërmjet Vatikanit e Angolës datojnë që nga viti 1608, vit kur Antonio Manuel Nvunda qe emëruar ambasador i parë në Romë i Mbretërisë së atëhershme të Kongos.
Papa Shën Gjon Pali II e vizitoi Angolën në vitin 1992 dhe më vonë, Papa i nderit Benedikti XVI në vitin 2009.