Kërko

Cookie Policy
The portal Vatican News uses technical or similar cookies to make navigation easier and guarantee the use of the services. Furthermore, technical and analysis cookies from third parties may be used. If you want to know more click here. By closing this banner you consent to the use of cookies.
I AGREE
Presto
Programe Podcast
2025.01.25 Leslie Voltaire, President i Këshillit Presidencial Kalimtar të Haitit në audiencë te Papa 2025.01.25 Leslie Voltaire, President i Këshillit Presidencial Kalimtar të Haitit në audiencë te Papa

Papa pret në audiencë Presidentët e Panamasë dhe Haitit

Audiencë e dyfishtë sot në mëngjes, në Pallatin Apostolik të Vatikanit: Papa Françesku takohet me José Raul Mulino Quintero, udhëheqës panamez dhe Leslie Voltaire, kryetar i Këshillit presidencial të tranzicionit të Haitit

R.SH. / Vatikan

Audiencë e dyfishtë paraditën e sotme, 25 janar, për Papën Françesku, fillimisht me Presidentin e Republikës së Panamasë, José Raul Mulino Quintero, më pas me Presidentin e Këshillit presidencial kalimtar të Haitit, Leslie Voltaire, pritur të dy në Pallatin Apostolik të Vatikanit.

Audienca me José Raul Mulino Quintero

Quintero bisedoi privatisht me Papën nga ora 8.05 deri në 8.35. Më pas, shkëmbimi i dhuratave. Papa Françesku i dhuroi Presidentit një vepër terrakote,  titulluar "Butësi e dashuri”, vëllimet e dokumenteve papnore, Mesazhin e këtij viti për Paqen, librin mbi Statio Orbis të 27 marsit 2020, redaktuar nga LEV dhe vëllimin kushtuar Apartamentit Papnor të audiencave, redaktuar nga Prefektura e Shtëpisë Papnore.

Kreu i Shtetit iu përgjigj me disa vëllime fotografike kushtuar Kanalit të Panamasë dhe një medalje përkujtimore të presidencës.

Audienca me Leslie Voltaire

Pas vizitës së parë, në orën 9.30 filloi audienca me Volterin, kreun e qeverisë së përkohshme të Haitit (me funksionet e Presidencës së Republikës), krijuar pas revoltës së bandave në vitin 2024. Njëzet minuta zgjatja e dialogut të rezervuar me Papën, i cili i dhuroi prijësit haitian një basoreliev bronzi, titulluar "Dialogu ndërmjet brezave", vëllimet e dokumenteve papnore, Mesazhin e këtij viti për Paqen, librin mbi Statio Orbis të 27 marsit 2020, redaktuar nga LEV, vëllimin kushtuar Apartamentit papnor të audiencave, redaktuar nën kujdesin e Prefekturës së Shtëpisë Papnore.

Presidenti i dhuroi Papës disa vëllime fotografike kushtuar Haitit.

25 janar 2025, 11:31
Prev
April 2025
SuMoTuWeThFrSa
  12345
6789101112
13141516171819
20212223242526
27282930   
Next
May 2025
SuMoTuWeThFrSa
    123
45678910
11121314151617
18192021222324
25262728293031