Kërko

Cookie Policy
The portal Vatican News uses technical or similar cookies to make navigation easier and guarantee the use of the services. Furthermore, technical and analysis cookies from third parties may be used. If you want to know more click here. By closing this banner you consent to the use of cookies.
I AGREE
Allegro vivace
Programe Podcast
Papa Françesku priti kryeministrin e Libanit, Najib Mikati Papa Françesku priti kryeministrin e Libanit, Najib Mikati

Papa pret në audiencë kryeministrin e Libanit

Najib Mikati u prit në audiencë në Pallatin Apostolik. Bisedë private 20-minutëshe, e ndjekur nga shkëmbimi i dhuratave: Papa i dha edhe Mesazhin për Ditën Botërore të Paqes në gjuhën arabe, nënshkruar për këtë rast. Ndër temat në qendër të bisedimeve në Sekretarinë e Shtetit, gjendja shoqëroro-ekonomike e vendit, mungesa e zgjatur e zgjedhjes së presidentit, armëpushimi, shpresa për bashkëjetesë paqësore ndërmjet feve

R.SH. – Vatikan

         Papa Françesku priti sot në audiencë kryeministrin e Republikës së Libanit, Najib Mikati. Biseda private zgjati 20 minuta, në sallën e Bibliotekës së Pallatit Apostolik, duke përfunduar me shkëmbimin tradicional të dhuratave. Papa i dha kryeministrit skulpturën prej bronzi të titulluar “Dialogu ndërmjet brezave”, së bashku me vëllimet e dokumenteve papnore dhe Mesazhin për Ditën Botërore të Paqes 2024 në gjuhën arabe, të cilën ai e nënshkroi për këtë rast. Mikati iu përgjigj me një vepër që përshkruan Lindjen e Krishtit, krijuar nga një prift i Universitetit Antonin.

Bisedimet në Sekretarinë e Shtetit

Më pas, Mikati u takua me kardinalin Pietro Parolin, Sekretar i Shtetit të Vatikanit, i shoqëruar nga imzot Paul Richard Gallagher, Sekretar për Marrëdhëniet me Shtetet dhe Organizatat Ndërkombëtare. “Gjatë takimit të përzemërt”, thuhet në notën e Sallës së Shtypit të Vatikanit, “u nënvizua rëndësia e marrëdhënieve të mira diplomatike ndërmjet Selisë së Shenjtë dhe Libanit, si edhe kontributi i Kishës Katolike e i të krishterëve për të mirën e vendit. Më tej, u trajtua gjendja shoqëroro-ekonomike e vendit të kedrave, mbi të cilën ndikon edhe mungesa e zgjatur e zgjedhjes së Presidentit të Republikës”.

“Duke shprehur kënaqësinë për armëpushimin e arritur në jug të vendit dhe duke shpresuar për konsolidimin e mëtejshëm të tij – vijon nota – u theksua shpresa që bashkëjetesa paqësore e feve të ndryshme të karakterizojë edhe më tej identitetin e Libanit dhe të jetë ndihmë e mbështetje për paqen në Lindjen e Mesme”.

13 dhjetor 2024, 13:42
Prev
April 2025
SuMoTuWeThFrSa
  12345
6789101112
13141516171819
20212223242526
27282930   
Next
May 2025
SuMoTuWeThFrSa
    123
45678910
11121314151617
18192021222324
25262728293031