Kërko

Cookie Policy
The portal Vatican News uses technical or similar cookies to make navigation easier and guarantee the use of the services. Furthermore, technical and analysis cookies from third parties may be used. If you want to know more click here. By closing this banner you consent to the use of cookies.
I AGREE
Allegro - Andante molto - Quasi allegro ma un poco più tranquillo
Programe Podcast

Papa, 7 tetori ditë lutjeje dhe agjërimi për paqe

'Të dielën në Bazilikën e Shën Marisë së Madhe, në Romë, urata e rruzares shenjte dhe lutja drejtuar Virgjrën Mari për të kërkuar dhuratën e paqes në botë'

R.SH. / Vatikan

Para rritjes së tensioneve në Lindje të Mesme, bombave dhe raketave që vazhdojnë të bien në Ukrainë e “torturuar”, mes shumë konflikteve tjera të vogla dhe të mëdha që i dërmojnë dhe i vrasin popujt afrikanë edhe nga uria, ndërsa me pak fjalë “erërat e luftës dhe zjarret e dhunës vazhdojnë të shqetësojnë popuj dhe kombe të tëra”, Papa larton "lutjen" e Kishës, përmes agjërimit dhe përgjërimit të miliona besimtarëve në botë, për t'i kërkuar Zotit dhuratën e paqes në një botë në buzë greminës.

Më 7 tetor ditë lutjeje e agjërimi për paqe

Kështu sot në përfundim të Meshës solemne kremtuar në Sheshin e Shën Pjetrit, në Vatikan, me rastin e hapjes së sesionit të dytë të Asamblesë së Përgjithshme të Sinodit të Ipeshkvijve,  Papa Françesku shpalli Ditën e lutjes dhe agjërimit për paqen botërore më 7 tetor të ardhshëm, në përvjetorin e parë të sulmit terrorist të kryer nga Hamasi në Izrael, i cili shpërtheu me brutalitetin që është shfaqur në Tokën e Shenjtë prej një viti:
I kërkoj të gjithëve të jetojnë një ditë lutjeje dhe agjërimi për paqen në botë.

Më 6 tetor lutja drejtuar Zojës Mari në Santa Maria Maggiore

Gjithnjë në fund të predikimit të Meshës së sotme, Papa njoftoi gjithashtu edhe një vizitë të re papnore në Bazilikën e Shën Marisë së Madhe, në Romë, të dielën e ardhshme më 6 tetor, për t'i drejtuar një lutje të përgjëruar për paqe Zojës së Bekuar. Një takim shpirtëror në të cilin Ati i Shenjtë Bergoglio kërkoi pjesëmarrjen e të gjithë anëtarëve të Sinodit që janë mbledhur në Romë:
Për të kërkuar dhuratën e paqes nga ndërmjetësimi i Shën Mërisë, të dielën e ardhshme do të shkoj në Bazilikën e Shën Marisë së Madhe ku do të recitoj Rruzaren e Shenjtë dhe do t'i drejtoj një lutje të përgjëruar Virgjrës Mari. 

"Vëllezër dhe motra, ta rifillojmë këtë rrugëtim kishtar me një vështrim drejt botës, sepse komuniteti i krishterë është gjithmonë në shërbim të njerëzimit, për t’u shpallur gëzimin e Ungjillit të gjithëve. Ka nevojë për të, sidomos në këtë orë dramatike të historisë sonë, ndërsa erërat e luftës dhe zjarret e dhunës vazhdojnë të përçajnë popuj dhe kombe të tëra”, tha ai Papa.

02 tetor 2024, 11:20
Prev
April 2025
SuMoTuWeThFrSa
  12345
6789101112
13141516171819
20212223242526
27282930   
Next
May 2025
SuMoTuWeThFrSa
    123
45678910
11121314151617
18192021222324
25262728293031