Kërko

Cookie Policy
The portal Vatican News uses technical or similar cookies to make navigation easier and guarantee the use of the services. Furthermore, technical and analysis cookies from third parties may be used. If you want to know more click here. By closing this banner you consent to the use of cookies.
I AGREE
Waltz of the Flowers
Programe Podcast

Françesku përshëndet të rinjtë e mbledhur për Hope Happening

Papa Françesku bën një vizitë befasuese në eventin rinor “Hope Happening” në Belgjikë dhe u thotë të rinjve që të luten gjithmonë e të rizbulojnë pafajësinë dhe gëzimin fëmijëror që Zoti dëshiron për të gjithë ne.

R.SH. / Vatikan

Në përfundim të takimit të tij me sivëllezërit e tij jezuitë në Belgjikë, të shtunën pasdite, Papa Françesku kaloi mbrëmjen e së shtunës me 6000 të rinj të mbledhur në Expo në Bruksel në kryeqytetin belg. "Hope Happening" është një ngjarje e organizuar në frymën e Ditëve Botërore të Rinisë, duke përfshirë shtegtime, veprimtari krijuese mbi fenë dhe spiritualitetin, një festival i vërtetë muzikor dhe vigjilje lutjeje nën hijen e stadiumit King Baudouin. Veprimtaria u organizua nga rreth 40 shoqata rinore të krishtera në Flanders, Wallonia dhe Bruksel, me mbështetjen e Konferencës së Ipeshkvijve të Kishës Katolike të Belgjikës.

Kujtojeni Zotin në zemrën tuaja

Duke kujtuar Ditët Botërore të Rinisë, Ati i Shenjtë u prit nga të rinjtë e gëzuar pa masë, të cilët nuk prisnin t'u bënte një vizitë. Gjatë takimit festiv, Papa Françesku inkurajoi të rinjtë në fenë e tyre, duke i ftuar që ta lejojnë Zotin t'i udhëheqë në dashuri. "Të rinjtë bëjnë zhurmë!" tha Papa. "Dhe nëse e gjeni një të ri si ky, të mërzitshëm - atij të riu i mungon rinia". Ati i Shenjtë i nxiti të rinjtë që të përpiqen të ecin gjithmonë përpara "duke e mbajtur Zotin në zemrat e tyre në lutje".

Lutuni përherë

“Mos e harroni lutjen”, tha Papa dhe u kërkoi të rinjve që të mos i shikojnë kurrë të tjerët me përbuzje, përveç nëse qëllimi i tyre është për "t'i ndihmuar të ngrihen lart". Para se të përfundonte vizitën e tij duke dhënë Bekimin Apostolik, Papa Françesku vuri në dukje një foshnje të porsalindur dhe i inkurajoi të rinjtë të rifitonin ndjenjën e pafajësisë dhe pastërtisë së një foshnjeje. "E shihni atë [të porsalindurin] atje?" pyeti Ati i Shenjtë Françesku. "Ata janë më të mëdhenjtë nga të gjithë ju, sepse Jezusi na ka thënë se më i madhi është ai që bëhet si një fëmijë".

28 shtator 2024, 22:17
Prev
April 2025
SuMoTuWeThFrSa
  12345
6789101112
13141516171819
20212223242526
27282930   
Next
May 2025
SuMoTuWeThFrSa
    123
45678910
11121314151617
18192021222324
25262728293031