Kërko

Cookie Policy
The portal Vatican News uses technical or similar cookies to make navigation easier and guarantee the use of the services. Furthermore, technical and analysis cookies from third parties may be used. If you want to know more click here. By closing this banner you consent to the use of cookies.
I AGREE
RRUZARJA NË LATINISHT
Programe Podcast
Papa Françesku ndërsa binin petalet e bardha, që kujtojnë borën Papa Françesku ndërsa binin petalet e bardha, që kujtojnë borën

Lutja e Papës drejtuar Zojës: ndërmjetëso për Romën dhe për paqen në botë

Françesku mori pjesë në mbrëmësoren e solemnitetit të kushtimit të Bazilikës së Zojës së Madhe. Në lutje para fugures mariane të Salus Populi Romani, Papa tha: "Këtu hiri shfaqet në konkretësinë e tij, i zhveshur nga çdo mbulojë mitologjike, magjike, spiritualiste". Vështrim mbi Jubileun: “Shumë shtegtarë do të vijnë në këtë Bazilikë për t'i kërkuar Nënës bekimin. Ne u mblodhëm këtu si një lloj pararoje"

R.SH. – Vatikan

         Për herë të parë, një Papë shkon në kremtimin, që kujton mrekullinë e dëborës, në vendin ku Zoja kërkoi ndërtimin e një kishe, duke ia përcaktuar kufijtë pikërisht duke dërguar mbi atë sipërfaqe flokë dëbore në vapën e gushtit. Por, nuk ishte pa dyshim hera e parë në këtë kishë për Papën Françesku, që sot pasdite mori pjesë në Mbrëmësoret në Bazilikën e Zojës së Madhe në Romë, ku mbajti homelinë e qe i pranishëm ndërsa përsëritej reshja e flokëve të borës, realizuar me petale lulesh të bardha, gjatë këndimit të himnit marian “Magnificat”. Ati i Shenjtë, siç e dinë tashmë të gjithë, shkon në atë bazilikë si përpara, ashtu edhe pas shtegtimeve të tij apostolike, për t’i kërkuar Zojës, që aty nderohet në fuguren e Salus Populi Romani, mbrojtjen para udhëtimeve e për ta falënderuar pas tyre.

Evokimi i mrekullisë së dëborës
Evokimi i mrekullisë së dëborës

Mrekullia e dëborës

         Njëkohësisht me mrekullinë e dëborës kremtohet sot kushtimi i Bazilikës romake të Shën Marisë së Madhe.  Është shenjtërorja mariane më e lashtë e Perëndimit, ndërtuar me urdhrin e Papës Siksti III, pak pas Koncilit të Efezit në vitin 431, kur Maria u shpall solemnisht Nëna e Zotit.

Kujtojmë se në Romë gjinden njëqind kisha kushtuar Zojës së Bekuar, por më e madhja nga të gjitha është Bazilika e Shën Marisë së Madhe. Gojëdhëna tregon se natën e 5 gushtit të vitit 358, Zoja e Bekuar iu duk njëherësh Papës Liberi e patricit romak, Gjonit dhe i ftoi t’i ndërtonin një kishë në atë vend, ku do të binte dëborë atë natë të nxehtë romake. E dëbora ra. Të nesërmen, në prani të një turme romakësh, Papa ravijëzoi në dëborë perimetrin e asaj kishe, që do të bëhej bazilika e parë e ndërtuar në këtë vend. Çdo 5 gusht në bazilikë kremtohet festa e Mrekullisë së Dëborës. E në të njëjtën ditë, edhe shugurimi i bazilikës. Gjatë të dyja kremtimeve, sipas traditës, mbi besimtarët reshet nga lart një shi me petale të bardha trëndafilash, në kujtim të flokëve të dëborës, që ranë mrekullisht natën e largët të vitit 358.

Papa gjatë kremtimit
Papa gjatë kremtimit   (VATICAN MEDIA Divisione Foto)

Hiri i Nënës së Zotit

         E kështu ndodhi edhe sot. Herën e parë, petalet u reshën mbi besimtarët në meshën e orës 10.00, kryesuar nga kryeprifti i bazilikës, kardinali Stanisłaë Ryłko. E më pas, në mbrëmësoret e orës 17.30, në praninë e Papës Françesku, i cili vuri në dukje dy aspekte: kujtimin e reshjes së dëborës dhe fuguren e Zojës – Salus Populi Romani, për të cilën ka devocion të madh. Nënvizoi se përsëritja e mrekullisë së dëborës nuk është thjesht foklor, por simbolizon hirin e Zotit, që nuk mund të blihet, as nuk mund të meritohet, por merret vetëm si dhuratë prej Hyjit, prandaj është i paparashikueshëm, ashtu si dëbora e shekujve më parë, që përcaktoi kufijtë e bazilikës. Zgjon admirim e mahnitje e, pikërisht me sy plot admirim e mahnitje, Papa Françesku ftoi të shihet fugurja e Zojës – Shpëtim i Popullit Romak, e Nënës me të Birin në krah, nga ku buron hiri, të cilin vijnë ta kërkojnë besimtarët sa herë, që ndalen para saj. Së fundi, Ati i Shenjtë uroi që ky hir të kërkohet edhe gjatë Jubileut 2025 nga të gjithë shtegtarët, që do të vijnë në Romë, duke iu lutur Zojës për bekimin e saj, por edhe për ndërmjetësimin që të vendoset paqja e vërtetë dhe e qëndrueshme në botë.

Papa në lutje para Zojës Salus Populi Romani
Papa në lutje para Zojës Salus Populi Romani   (Vatican Media)

“Shenjtja Nënë e Zotit, lutu për ne”

Papa Françesku e përfundoi homelinë duke iu drejtuar Virgjërës së Bekuar me fjalët e Shën Cirilit të Aleksandrisë.

“Të falem o Mari, Nënë e Zotit, ti që barte dritën, o më e pastërta. Të falem, Virgjëra Mari, Nënë e shërbëtore. Virgjër, nëpërmjet Atij që lindi prej teje; Nënë, për Atë që ke mbajtur në krahë. …Të falem o Mari, thesar i tokës; llambë që nuk fiket; nga ti lindi dielli i drejtësisë” (Homelia 11: PG 77). Nëna e Shenjtë e Zotit, lutu për ne”.

05 gusht 2024, 18:37
Prev
April 2025
SuMoTuWeThFrSa
  12345
6789101112
13141516171819
20212223242526
27282930   
Next
May 2025
SuMoTuWeThFrSa
    123
45678910
11121314151617
18192021222324
25262728293031