Kërko

Cookie Policy
The portal Vatican News uses technical or similar cookies to make navigation easier and guarantee the use of the services. Furthermore, technical and analysis cookies from third parties may be used. If you want to know more click here. By closing this banner you consent to the use of cookies.
I AGREE
Overture
Programe Podcast
 INTENZIONI PREGHIERA PAPA SETTEMBRE INTENZIONI PREGHIERA PAPA SETTEMBRE

Françesku: ta dëgjojmë me zemër britmën e tokës

Në videomesazhin me ndjetet e lutjes për muajin shtator, periudhë që ndërthuret me Kohën e Krijimit, Papa i fton të gjithë të angazhohen për mbrojtjen e planetit. Përballimi i krizave ambientale të shkaktuara nga njerëzit "kërkon jo vetëm përgjigje ekologjike, por edhe shoqërore, ekonomike dhe politike".

R.SH. / Vatikan

Toka ka ethe. Papa e kujton tokën si të ishte njeri i sëmurë, për t’i sensibilizuar të gjithë lidhur me një temë, që tashmë është bërë shtyllë e  Papnisë së tij: mbrojtjen e planetit. Një veprim në të cilin duhet të  përfshihen të gjithë "në vetë të parë".

Toka ka ethe

Në video-mesazh, zëri i Françeskut përshkon pamjet e uraganeve, thatësirave, zjarreve, cunamit: duken njerëz që ikin nga katastrofat ambientale, migrantë ambientalë… një fëmijë që ecën mbi plasat e thella të tokës, që ka etje e, ashtu si fëmija, kërkon një pikë uji për të njomur buzën e tharë e të plasaritur… Përmes synimeve të lutjes për shtatorin, Papa Françesku bën një thirrje të fortë që, përballë provave, e nis duke pyetur para së gjithash nëse toka është shurdhuar e anestitizuar:

“Nëse masim temperaturën e planetit, do të shikojmë sakaq se Toka ka ethe. Se ndihet keq, si çdo i sëmurë. Po ne, a e ndjejmë këtë dhimbje? A  ndjejmë dhimbjen e miliona viktimave të fatkeqësive ambientale? Ata që vuajnë më shumë nga pasojat e këtyre fatkeqësive janë të varfërit, janë ata, që detyrohen të lënë shtëpitë e tyre për shkak të përmbytjeve, valëve të të nxehtit a të thatësirës”.

Nevojiten përgjigje të integruara

Papa shikon gjithmonë shëndetin "e plotë" të qenies njerëzore, me të cilin duhet domosdoshmërisht të përkojnë përgjigje po aq të integruara, shumëdisiplinore, që kanë parasysh mjediset e kryqëzuara, ku ushtrohen veprimet tona dhe zgjedhjet tona. E me që gjithçka është e ndërlidhur,  Papës i pëlqen të përsërisë:

Të përballosh krizat mjedisore të shkaktuara nga njerëzit, si kriza klimatike, ndotja ose humbja e biodiversitetit, kërkon jo vetëm përgjigje ekologjike, por edhe sociale, ekonomike dhe politike. Ne duhet të angazhohemi për luftën kundër varfërisë dhe mbrojtjen e natyrës, duke ndryshuar zakonet tona dhe të bashkësisë sonë.

Koha e Krijimit

Thirrja e Papës ushton në prag të Ditës Botërore të Lutjes për Kujdesin e Krijimit (1 shtator) – sivjet me temë "Shpreso dhe vepro me krijimin" - e cila, nga ana tjetër, përuron Kohën e Krijimit (deri më 4 tetor), një nismë e organizuar nga Dikasteri për Zhvillimin e Gjithanshëm Njerëzor. Në këtë kohë Kisha tradicionalisht mobilizohet për të reflektuar mbi kujdesin e shtëpisë sonë të përbashkët. Për më tepër, ka shumë këmbana alarmi: vlerësohet, për shembull, se deri në vitin 2050, ndryshimet e pakontrolluara klimatike do të detyrojnë mbi 200 milionë njerëz të migrojnë brenda vendeve të tyre dhe do t’i katandisin 130 milionë vetë në varfëri.

Atë Fornos S.J.: tepër interesa na verbojnë, të zgjohemi!

Atë Frédéric Fornos S.J., drejtor ndërkombëtar i Rrjetit Botëror të Lutjeve të Papës, rrjet që realizon këto video mesazhe, na fton të kujtojmë tragjeditë e jetuara në shumë vende dy vitet e fundit: nga zjarret e pamasa të pyjeve në Kanada - deri tek ato, po aq shkatërruese, në Australi; nga përmbytjet katastrofike në Pakistan, të cilat përmbytën një të tretën e vendit - deri te përmbytjet e shpejta në Gjermani dhe Belgjikë; nga thatësira e madhe në Amazon, e cila kërcënon biodiversitetin unik të këtij rajoni - deri te nxehtësia ekstreme e regjistruar në Indi. Pandemia, komenton jezuiti, mund të kishte qenë kohë për të riorientuar shoqërinë tonë, por nuk e bëri këtë, "sepse shumë interesa na verbojnë". Të zgjohemi!

30 gusht 2024, 11:55
Prev
April 2025
SuMoTuWeThFrSa
  12345
6789101112
13141516171819
20212223242526
27282930   
Next
May 2025
SuMoTuWeThFrSa
    123
45678910
11121314151617
18192021222324
25262728293031