Ati i Shenjtë: paqja është e mundur, të mos dorëzohemi para luftës

R.SH. – Vatikan

         Në përshëndetjet e tij pas Engjëllit të Tënzot, mendimi i Papës shkoi tek Mianmari, popullsia e të cilit "vazhdon të vuajë nga dhuna dhe shtypja". Në veri të vendit, vijojnë prej javësh luftimet ndërmjet ushtarëve të juntës ushtarake, e cila mori pushtetin me puç, në vitin 2021, dhe grupeve të armatosura rebele.

Françesku u lut “që popullata të mos shkurajohet dhe të besojë gjithmonë në ndihmën e Zotit”, ashtu siç vazhdoi të lutet për Ukrainën e martirizuar, flamujt e së cilës në Sheshin e Shën Pjetrit ishin të shumtë, siç vërejti vetë Papa, i cili, më pas, pati fjalë inkurajuese edhe për Palestinën e Izraelin.

“Paqja është e mundur. Duhet vullnet i mirë. Paqja është e mundur. Të mos dorëzohemi para luftës! E, të mos harrojmë se lufta është gjithmonë, gjithmonë, disfatë: fitojnë vetëm prodhuesit e armëve”.