DBR, Papa, të rinjve: ecni me guxim me të tjerët, jo vetëm!
R. SH. - Vatikan
Lajmet e Vatikanit
Këshill, që buron nga urtia: "Të jetosh, domethënë të vihesh për udhë". E kjo edhe ftesa e Bariut, që përgatitej të përqafonte një turmë miqsh të rinj: “Uroj që të mbërrini me gëzim në këtë takim”. Pak sekonda për një video-mesazh që është sa i shpejtë, aq edhe i dashur e i thellë. Papa ia drejtoi një grupi vajzash dhe djemsh, të cilët brenda pak kohe do të arrijnë në Lisbonë për Ditën Botërore të Rinisë, planifikuar nga data 1 deri më 6 gusht, e që nga data 2 do të shohë edhe Françeskun në kryeqytetin Luzitanian.
"Shikon ku dëshiron të shkosh"
Në videomesazhin e publikuar sot nga gazeta e ipeshkvijve italianë Avvenire, Françesku u uron të rinjve “rrugë të mbarë” dhe arritje me gëzim në atë takim, duke i ftuar të bëjnë edhe një rrugë jete të orientuar drejt ndarjes së përbashkët, jo izolimit.
Ta bësh këtë rrugë dhe të nisësh shtegtimin: kështu është jeta! Të nisesh! Të rinjtë e kanë gjithnjë thirrjen të nisen për udhë! Shkoni përpara, me guxim, duke kërkuar gjithnjë ku dëshironi të arrini. Me atë mistikë udhëtimi, që është gjithmonë pranë të tjerëve, kurrë vetëm.