Papa: do t’ju marr me vete, në kujtesë, në lutje

R. SH. - Vatikan

Në përfundim të kremtimit, Papa u shprehu të pranishmëve mirënjohjen  për mikpritjen, duke i falënderuar me gjithë zemër. Efcharistó (Faleminderit).

Nga gjuha greke - kujtoi më pas - erdhi për mbarë Kishën fjala, që përmbledh dhuratën e Krishtit: Eukaristia:

“E kështu, për ne, të krishterët,  falënderimi u shkrua në zemër të fesë e të jetës. Uroj që Shpirti Shenjt të mund ta bëjë qenien dhe veprimin tonë Eukaristi, falënderim drejtuar Zotit e dhuratë dashurie për vëllezërit”

Në vijim Papa u shprehu mirënjohjen autoriteteve civile e vëllezërve ipeshkvij, për të përshëndetur edhe më të fundmin nga ata, që e përgatiten  dhe e organizuan këtë vizitë:

“Nesër - përfundoi - do të largohem nga Greqia, por jo nga ju! Do t’ju marr me vete, në kujtesë, në lutje. E edhe ju - përfundoi -  ju lutem,  më kujtoni në uratë!”.