Kërko

Vatican News

Irak. Papa: “Lutuni që shtegtimi të shkojë mbarë. Nuk mund ta zhgënjesh popullin për herë të dytë”.

Papa, në përfundim të audiencës së përgjithshme u kërkoi besimtarëve të luten për suksesin e shtegtimit në Irak, duke shtuar se populli irakian, i cili e pati pritur më kot Wojtylen, nuk mund të zhgënjehet për herë të dytë.

R. SH. - Vatikan

“Pasnesër, në dashtë Zoti - kujtoi Françesku në përfundim të audiencës së përgjithshme - do të nisem në Irak, për një shtegtim treditor. Prej kohe dëshiroj ta takoj këtë popull, që vuajti aq shumë. Ta takoj këtë Kishë martire, këtë tokë të Abrahamit. Së bashku me liderët e tjerë fetarë, do të bëjmë një hap tjetër në vëllazërimin ndërmjet besimtarëve. Ju kërkoj ta shoqëroni me lutje këtë shtegtim, që të mund të zhvillohet sa më mirë e të sjellë frytet e dëshiruara. Populli irakian e priste prej kohe Gjon Palin II, të cilit iu ndalua çdo mundësi që të shkelte në këto troje:

 “Nuk mund të zhgënjehet për herë të dytë një popull. Të lutemi që ky shtegtim të shkojë mbarë e mirë”.

03 mars 2021, 11:59