Papa: mendoj për Shën Sofinë e jam tepër i hidhëruar
R. SH. - Vatikan
Pas lutjes mariane, Papa kujtoi se në këtë të diel të dytë të korrikut kremtohet Dita Ndërkombëtare e Detit. E deti - shtoi - më bën ta drejtoj vështrimin nga Stambolli, nga Bazilika e Shën Sofisë, që me një dekret të presidentit Erdogan bëhet xhami.
“Jam shumë i hidhëruar”- theksoi trishtueshëm Papa - duke kujtuar këtë ngjarje vërtet të hidhur”.
Më pas u drejtoi përshëndetjen e tij të gjithë detarëve, që punojnë në det, posaçërisht atyre që rrinë gjatë larg të dashurve e larg vendit të tyre. Përshëndeti, pastaj, edhe ata që u mblodhën sot në portin Civitavecchia-Tarquinia, për kremtimin eukaristik.
Nuk mungoi edhe një përshëndetje e përzemërt, drejtuar besimtarëve të Romës, si dhe shtegtarëve nga vende të ndryshme.
E, së fundi, urimi për një të diel të gëzuar si dhe këkesa e përhershme: “Lutuni për mua!”.