Versioni Beta

Cerca

Vatican News
 Papa gjatë lutjes së Engjëllit të Tënzot Papa gjatë lutjes së Engjëllit të Tënzot  (AFP or licensors)

Papa: ardhmëri paqeje pas bisedimeve SHBA - Koreja e Veriut

Në përfundim të Engjëllit të Tënzot, Papa uroi të zhvillohet pozitivisht ballafaqimi i presidentit amerikan Trump me liderin korean Kim Jong Un, parashikuar për të martën, në Singapor.

R. SH. - Vatikan

Ardhmëri me paqe: këtë uroi Françesku për arritjet e bisedimeve të ardhshme në Singapor, ndërmjet SHBA-ve dhe Koresë së Veriut. Në përfundim të Engjëllit të Tënzot, Papa bëri një thirrje të rëndësishme: “Dëshiroj përsëri që popullit të dashur korean t’i arrijë një mendim miqësie e lutjeje. Bisedimet, që do të zhvillohen në ditët e ardhshme, në Singapor, mund të kontribuojnë për zhvillimin e një udhe pozitive, që siguron ardhmërinë e paqes për gadishullin korean si dhe për botën mbarë.

Lutje Zojës, Mbretëreshë e Koresë

Për ta shoqëruar këtë takim të rangut të lartë, mbi të cilin drejtohen sytë e mbarë botës, Françesku  tha, në Sheshin e Shën Pjetrit, një Falemi Mari.

Ta lusim Zotin - shtoi - e të gjithë së bashku, ta lusim edhe Zojën e Bekuar, mbretëreshë e Koresë, që t’i shoqërojë këta bisedime.

Të martën, bisedimet SHBA-Kore e Veriut

Në Singapor gjithçka është gati për takimin historik të rangut të lartë të presidentit të SHBA-ve, Donald Trump, me liderin korean Kim Jong Un. Janë trimijë, gazetarët e akredituar për këtë ngjarje; dy reporterë jugkoreanë këto ditë u arrestuan, sepse deshën të nxjerrin informacione të fshehta mbi samitin. Ndërkaq presidenti rus Putin shprehu vlerësimin për këtë takim të rangut të lartë si dhe për rolin e Kinës në mbështetjen e ballafaqimit ndërmjet palëve. Sipas sekretarit të Shtetit amerikan, Mike Pompeo, Pyongyangu është i gatshëm ta denuklearizojë  gadishullin korean e kjo, sipas burimeve të ndryshme, do të ishte e vetmja rrugëzgjidhje, që do të priste kreu i Shtëpisë së Bardhë.

 

10 qershor 2018, 14:17