Kërko

Cookie Policy
The portal Vatican News uses technical or similar cookies to make navigation easier and guarantee the use of the services. Furthermore, technical and analysis cookies from third parties may be used. If you want to know more click here. By closing this banner you consent to the use of cookies.
I AGREE
Allegro piacevole
Programe Podcast
Don Gjon Gazulli e Át Luigj Palaj, martirë të Kishës Katolike Don Gjon Gazulli e Át Luigj Palaj, martirë të Kishës Katolike

Kisha në Shqipëri, në festë për lumnimin e Át Luigj Palajt dhe të Dom Gjon Gazullit

Nesër, 16 nëntor, në orën 10.00, në katedralen e Shën Shtjefnit në Shkodër, do të kremtohet mesha për lumnimin e dy meshtarëve, njëri françeskan e tjetri dioqezan. I dërguar i Papës në këtë kremtim është prefekti i Dikasterit vatikanas për Çështjet e Shenjtorëve, kardinali Marcello Semeraro, që do të kryesojë meshën solemne dhe ritin e lumnimit dhe do të mbajë homelinë e rastit

R.SH. – Vatikan

Kisha Katolike në Shqipëri është në festë për lumnimin e Át Luigj Palajt (Paliq) dhe të Dom Gjon Gazullit. Jo më larg se nesër, 16 nëntor, në orën 10.00, në Katedralen e Shën Shtjefnit në Shkodër, do të kremtohet mesha për lumnimin e dy meshtarëve, njëri françeskan e tjetri dioqezan.

I dërguar i Papës në këtë kremtim është prefekti i Dikasterit vatikanas për Çështjet e Shenjtorëve, kardinali Marcello Semeraro, që do të kryesojë meshën solemne dhe ritin e lumnimit dhe do të mbajë homelinë e rastit. Do të jenë të pranishëm ipeshkvijtë e Shqipërisë, Kosovës, Malit të Zi, Kroacisë dhe Italisë, si edhe autoritete civile e fetare. Një prani e veçantë do të jetë ajo e kardinalit shqiptar Ernest Troshani Simoni, që tashmë ka mbërritur në Shkodër. Ndërkaq, të dielën, po në Katedralen e Shkodrës, në orën 10.00, do të kremtohet mesha e falënderimit për të dy martirët, ndërsa në orën 11.00, gjithë besimtarët do të nisen në procesion për në Varrezat e Rrmajit, ku do të përurohet monumenti në nder të dom Gjon Gazullit.

Dekretet e Selisë së Shenjtë
Dekretet e Selisë së Shenjtë

Pas 38 martirëve të epokës së komunizmit, që u shpallën të Lumë në vitin 2016, me Át Luigj Palajn e Dom Gjon Gazullin numri i martirëve të lumë bëhet 40. Kujtojmë se Selia e Shenjtë e shpalli dekretin e lumnimit më 20 qershor 2024.

Át Luigj Palaj është personifikimi më i qartë i persekutimit të katolikëve shqiptarë të Kosovës. Në vitin 1913, ndërsa në Kosovë dhe më konkretisht në Gjakovë, vazhdonte fushata e egër e persekutimit dhe e asimilimit të katolikëve shqiptarë, Át Palaj i inkurajonte besimtarët e asaj treve të mos hiqnin dorë nga feja e të parëve dhe nga identititeti shqiptar. Për këtë arsye, për shkak të një urrejtjeje patologjike ndaj çdo gjëje katolike dhe shqiptare, pushtuesit malazezë e arrestuan dhe e torturuan në mënyrë çnjerëzore. Pas një periudhe të gjatë burgosjeje në Gjakovë, ku edhe pse nën tortura të tmerrshme nuk e pranoi ndërrimin dhe mohimin e fesë, ai u tërhoq zvarrë nëpër rrugë dhe u shporua me bajoneta në Pejë, duke ndërruar kështu jetë.

Martiri tjetër, dom Gjon Gazulli, nga fisi i njohur i Gazullorëve, u ekzekutua nga mbreti Zog me varje, në Shkodër, më 5 mars të vitit 1927. Ai ishte kundërshtar i tij, për shkak të politikave shpeshherë diskriminuese për zonat katolike, sidomos për Dukagjinin. Gjithashtu, kundërshtoi ashpër dhe hapur të ashtuquajturin “bashkim personal të Shqipërisë me Jugosllavinë” më 2 janar 1927.

15 nëntor 2024, 15:14
Prev
April 2025
SuMoTuWeThFrSa
  12345
6789101112
13141516171819
20212223242526
27282930   
Next
May 2025
SuMoTuWeThFrSa
    123
45678910
11121314151617
18192021222324
25262728293031