Kërko

Cookie Policy
The portal Vatican News uses technical or similar cookies to make navigation easier and guarantee the use of the services. Furthermore, technical and analysis cookies from third parties may be used. If you want to know more click here. By closing this banner you consent to the use of cookies.
I AGREE
Allegretto grazioso
Programe Podcast

Imzot Gjergj Meta: Sinodi dhe Kisha në Shqipëri

Ndër pjesëmarrësit e sesionit të dytë të Asamblesë së përgjithshme të gjashtëmbëdhjetë të zakonshme të Sinodit mbi sinodalitetin e Kishës që u mbajt në muajin tetor në Vatikan, janë edhe dy ipeshkvij nga Kisha katolike e Shqipërisë: kryeipeshkvi i Tiranë Durrësit imzot Arjan Dodaj dhe kryetari i Konferencës Ipeshkvore Katolike të Shqipërisë e ipeshkvi i Rrëshenit, imzot Gjergj Meta, i cili në mikrofonin e redaksisë shqipe të Vatican News flet për Sinodin dhe Kishën katolike në Shqipëri

R.SH. / Vatikan

Ndër 363 pjesëmarrës nga mbarë bota, në sesionin e dytë të Asamblesë së përgjithshme të gjashtëmbëdhjetë të zakonshme të Sinodit mbi sinodalitetin e Kishës, që u mbajt në muajin tetor në Vatikan, janë edhe dy ipeshkvij nga Kisha Katolike e Shqipërisë: kryeipeshkvi i Tiranë-Durrësit imzot Arjan Dodaj dhe kryetari i Konferencës Ipeshkvore Katolike të Shqipërisë e ipeshkvi i Rrëshenit, imzot Gjergj Meta.

“Dokumenti është dhuratë për të gjithë Popullin e Zotit, në larminë e shprehjeve të tij”, kështu e interpreton Papa Françesku “frutin e viteve, të paktën tre, në të cilat dëgjuam Popullin e Zotit”, që shënon përfundimin e asamblesë së përgjithshme të zakonshme të XVI të Sinodit. Siç dihet, Dokumenti përfundimtar i Sinodit, i votuar të shtunën që kaloi, u botua dhe nuk do të bëhet objekt  nxitjeje apostolike nga Papa: Ati i Shenjtë Françesku vendosi që ky dokument të botohet e të shpërndahet menjëherë në mënyrë që të frymëzojë jetën e Kishës. Pra, procesi sinodal nuk përfundon me përfundimin e kuvendit të Sinodit, por përfshin edhe fazën e zbatimit. Është përfshirja e të gjithëve në "udhëtimin e përditshëm me një metodologji sinodale konsultimi dhe shoshitjeje, duke identifikuar metoda konkrete dhe shtigje formimi për të arritur në një kthesë sinodale të prekshme në realitetet e ndryshme kishtare".

Në Dokument, veçanërisht, kërkohet shumë nga ipeshkvijtë në lidhje me angazhimin e tyre ndaj transparencës dhe llogaridhënies. Kishat vendase janë në qendër të horizontit misionar, që është edhe vetë themeli i përvojës së pluralitetit të sinodalitetit, me të gjitha strukturat në shërbim të misionit, me laikët gjithnjë e më shumë në qendër dhe protagonistë në Kishës. E, nga ky këndvështrim, konkretësia e rrënjosjes në "vend" del me forcë nga Dokumenti Përfundimtar i këtij Sinodi.

Po më hollësisht mbi dokumentin përfundimtar e vlerën e këtij Sinodi për Kishat vendore, në mirkrofonin e Klaudia Bumçit, flet kryetari i Konferencës Ipeshkvnore Katolike të Shqipërisë e ipeshkvi i Rrëshenit, imzot Gjergj Meta. Ta dëgjojmë...

Imzot Gjergj Meta
29 tetor 2024, 13:56
Prev
April 2025
SuMoTuWeThFrSa
  12345
6789101112
13141516171819
20212223242526
27282930   
Next
May 2025
SuMoTuWeThFrSa
    123
45678910
11121314151617
18192021222324
25262728293031