Kërko

Cookie Policy
The portal Vatican News uses technical or similar cookies to make navigation easier and guarantee the use of the services. Furthermore, technical and analysis cookies from third parties may be used. If you want to know more click here. By closing this banner you consent to the use of cookies.
I AGREE
Allegro piacevole
Programe Podcast
NIcaragua, folla a una cerimonia religiosa a León  (ANSA) NIcaragua, folla a una cerimonia religiosa a León (ANSA)

Nikaragua, qeveria takson lëmoshën e Kishës

Masa të reja të qeverisë së Nikaraguas kundër Kishës Katolike. Vendimi i fundit i qeverisë së Presidentit Ortega zbaton regjimin tatimor të ekonomisë private edhe ndaj institucioneve fetare

R. SH - Vatikan

Qeveria e Managua zgjeron kontrollin publik mbi të gjitha aktivitetet në Nikaragua, veçanërisht ato fetare. Pas arrestimeve të ipeshkvijve dhe meshtarëve, dëbimeve të rregulltarëve dhe murgeshave, anulimit të 1500 OJQ-ve, shumë prej të cilave janë katolike dhe përthithjes së aseteve të tyre, tani edhe vendosja e taksave për ato të ardhura që vijnë nga donacionet e besimtarëve të cilat u mundësojnë famullive kishtare, shkollave​​dhe institucioneve tjera të çojnë përpara veprimtaritë dhe nismat e rëndësishme në fushën arsimore, humanitare dhe fetare.

Ndryshime rrënjësore për Kishën

Në fakt, një nen ligji shtetëror që garantonte mbrojtjen fiskale për institucionet fetare u shfuqizua, falë kufizimit të pagesës së tatimit mbi të ardhurat dhe aktivitetet ekonomike. Tani, me vendimin aktual të qeverisë së Nikaraguas të gjitha Kishat e çdo emërtimi do t'i nënshtrohen një regjimi tatimor të ngjashëm me atë të sektorit ekonomik privat, i cili e bën qëllimin e veprimtarisë së tij fitim legjitim. Për këtë arsye, ofertat, lëmoshat dhe donacionet nga besimtarët do t'i nënshtrohen pagesës së tatimit mbi të ardhurat me në masën 10% deri në 30% për qind. Vlerësohet se eliminimi i përjashtimeve nga taksat mund të ketë një ndikim serioz në aftësinë për të financuar iniciativat dhe për të kryer transformimin e strukturave administrative me marrjen e detyrimeve të reja institucionale, si p.sh., krijimi i zyrave të kontrollit të menaxhuara nga publiku, certifikatat e kontabilistëve etj.

Shqetësimi i OKB-së

Kontrolli absolut publik mbi të gjitha aktivitetet e shoqatave, ekonomike apo jo, po zhvillohet në Nikaragua nën syrin vigjilent të komunitetit ndërkombëtar. Në veçanti, Komisioneri i Lartë i Kombeve të Bashkuara për të Drejtat e Njeriut, ka shprehur "shqetësim të thellë" për mbylljen e fundit të mbi 1,500 OJQ-ve, duke përfshirë "të paktën 700 OJQ fetare". Kështu pohohet në një deklaratë të organizmit të OKB-së, ku thuhet se iniciativa e qeverisë në fakt “sulmon lirinë e fesë dhe lirinë e asociimit”. Në veçanti, kërkohet që liritë themelore të personit të “garantohen dhe mbrohen”.

22 gusht 2024, 16:54
Prev
April 2025
SuMoTuWeThFrSa
  12345
6789101112
13141516171819
20212223242526
27282930   
Next
May 2025
SuMoTuWeThFrSa
    123
45678910
11121314151617
18192021222324
25262728293031