Kërko

Cookie Policy
The portal Vatican News uses technical or similar cookies to make navigation easier and guarantee the use of the services. Furthermore, technical and analysis cookies from third parties may be used. If you want to know more click here. By closing this banner you consent to the use of cookies.
I AGREE
Allegro
Programe Podcast
 Shtatorja e Virgjërës Mari Shtatorja e Virgjërës Mari 

Lindja e Mesme, atë Patton: kushtojani ditën e Zojës, lutjes për paqe

Pas thirrjes së Patriarkut Pizzaballa, kujdestari i Tokës së Shenjtë u dërgon një letër fretërve, duke u kërkuar t’i drejtojnë "Lutjen për paqe Zojës së Ngjitur në Qiell”, gjatë kremtimeve të 14 dhe 15 gushtit: shenjë shprese, që tregon se palët pranuan t’i rifillojnë bisedimet për armëpushim në Gaza dhe për lirimin e pengjeve e të burgosurve, pikërisht në ditën kur kremtojmë Të Ngjiturit e Marisë në Qiell, ngushëllim për ne, që vijojmë shtegtimin mbi tokë!

R. SH. - Vatikan

Ditën e Solemnitetit të Ngjitjes së Marisë në Qiell, 15 gusht, kushtojani lutjes për paqe në Lindjen e Mesme dhe në mbarë botën. Kjo, ftesa që kujdestari i Tokës Shenjte, frati Françesk Patton, u drejton përmes një letre - njëheresh me thirrjen e djeshme të kardinalit Pierbattista Pizzaballa - fretërve të Kujdestarisë.

Shenjat e shpresës

“Jetojmë në kohë shumë të vështira, në të cilat është veçanërisht e rëndësishme të lutemi për paqen”- janë fjalët e para të letrës së Atë Patton, përmes së cilës tregon si “shenjë shprese”, faktin se palët e përfshira ranë dakord të rifillojnë bisedimet për pushimin e zjarrit në Gaza, lirimin e pengjeve dhe atë  të burgosurve politikë. Kjo, nënvizon Kujdestari, ndodh “pikërisht ditën kur kremtojmë Të Ngjiturit e Marisë në Qiell me korp e me shpirt, shenjë e sigurt shprese dhe ngushëllimi për ne, shtegtarë mbi dhe”.

Lutje e dalë nga shpirti

Për këtë arsye, vëllai Patton na fton që kremtimet e Zojës t'ia kushtojmë lutjes për paqen: "Ne e dimë - shkruan ai, duke cituar Apokalipsin - se kur shenja e Gruas që do të lindë duket në Parajsë, duket edhe dragoi i fundit të ferrit, që lëshohet me tërbim kundër bijve të saj, por ndeshet sakaq me ushtritë qiellore  kryesuar nga Shën Mëhillin Kryeengjëll". “Për këtë arsye - shton Atë Patton - ne besojmë se është edhe më e rëndësishme që kjo ditë të jetë ditë lutjesh të vazhdueshme”.

Ndaj për këtë ditë të rëndësishme, kujdestari kërkoi dhe mori miratimin kishtar për lutjen drejtuar Virgjërës nga Patriarku Latin i Jeruzalemit. Me të do të lutet edhe vetë Patriarkana.

Teksti i lutjes  

 “Lutje për paqe, drejtuar Zojës së Ngjitur në Qiell:

O Nëna e lume e Zotit,

lartuar mbi koret e engjëjve,

lutu për ne me Shën Mëhillin Kryeengjëll,

me të gjitha fuqitë engjëllore të qiejve

e me të gjithë shenjtorët,

pranë Birit tënd të shenjtnueshëm e të shumëdashur,

Mësues e Zot!

Nxire për këtë Tokë të Shenjtë,

për të gjithë bijtë e saj e për mbarë njerëzimin

dhuratën e pajtimit e të paqes.

U bëftë profecia jote:

krenarët u shpërndafshin

në mendimet e zemrave të tyre;

të fuqishmit u rrëzofshin nga fronet,

u naltofshin të përvujtët,

të uriturit u ngopshin me të mira,

paqtorët u njihshin si bijtë e Zotit

e zemërbutët marrshin tokën si dhuratë.

Na i dhuroftë Jezu Krishti, Biri yt,

që sot të lartoi mbi koret e engjëjve,

të kurorëzoi me kurorën e mbretërisë,

dhe të vuri mbi fronin e dritës së amshuar

Atij i qoftë nder e lumni në shekuj të shekujve.

Amen

11 gusht 2024, 11:37
Prev
April 2025
SuMoTuWeThFrSa
  12345
6789101112
13141516171819
20212223242526
27282930   
Next
May 2025
SuMoTuWeThFrSa
    123
45678910
11121314151617
18192021222324
25262728293031