Kërko

Cookie Policy
The portal Vatican News uses technical or similar cookies to make navigation easier and guarantee the use of the services. Furthermore, technical and analysis cookies from third parties may be used. If you want to know more click here. By closing this banner you consent to the use of cookies.
I AGREE
The Bridegroom
Programe Podcast
Monsignore Alfredo José Espinoza Mateus, arcivescovo metropolita di Quito Monsignore Alfredo José Espinoza Mateus, arcivescovo metropolita di Quito

Imzot Espinoza: Kongresi Eukaristik Ndërkombëtar në Kuito, privilegj dhe sfidë e madhe

Në një Konferencë shtypi, më 29 gusht, në Kuito, u paraqit Kongresi ardhshëm Eukaristik Ndërkombëtar, që do të mbahetnga 8 deri më 15 shtator, në kryeqytetin e Ekuadorit me temën "Vëllazëria, për të shëruar botën". Imzot Espinoza, “privilegj dhe sfidë e madhe për qytetin tonë”.

R.SH. / Vatikan

Nga 8 deri më 15 shtator, kryeqyteti i Ekuadorit, Kuito do të presë edicionin e 53-të të Kongresit Ndërkombëtar Eukaristik, 150 vjet pas përkushtimit të vendit të Amerikës Latine, Ekuadorit, Zemrës së Shenjtë të Jezusit, që u mbajt më 25 mars të vitit 1874.

Pra, gjithçka është gati për të jetuar në Quito "përvojen më të madhe të fesë rreth Eukaristisë Shenjte, në atmosferën e unitetit vëllazëror të Kishës universale". Kështu u shpreh kryeipeshkvi metropolit i Kuitos dhe primat i Ekuadorit, Imzot Alfredo Espinoza Mateus, në konferencën për shtyp të paraqitjes së ngjarjes, mbajtur dje, 29 gusht, në selinë e Konferencës Ipeshkvnore të Ekuadorit. Prelati shpjegoi se para Kongresit Eukaristik do të mbahet një simpozium teologjik në selinë e Universitetit Papnor Katolik të Ekuadorit. Në të do të marrin pjesë personalitete të shquara dhe akademikë nga vende të ndryshme të botës, për të reflektuar mbi temën e Kongresit "Vëllazëria, për të shëruar botën"

Nënvizoi edhe se në Kongres do të jenë të pranishme delegacione nga 53 vende, “prandaj është privilegj i madh, por edhe sfidë e madhe për Kishën e Ekuadorit dhe për qytetin e Kuitos" të presin personalitete, të cilët do të vijnë të thellojnë temën e Kongresit, duke pohuar kështu se vëllazëria është universale. Kryeipeshkvi i Kuitos, i cili kryeson komitetin organizator të Kongresit të 53-të Ndërkombëtar Eukaristik, njoftoi edhe se në të dielat e 8 dhe 15 shtatorit nuk do të ketë meshë mëngjesi në famullitë e ndryshme të kryeipeshkvnisë së Kuitos, për t’u krijuar besimtarëve mundësinë të marrin pjesë në hapjen dhe mbylljen masive të Kongresit, që do të nisë në orën 10:00 dhe do të jetë ngjarje historike për Kishën e Kuitos dhe të Ekuadorit.

Nunci apostolik në Ekuador, Imzot Andrés Carrascosa Coso, nënvizoi se Kongresi Eukaristik është mbledhja më e rëndësishme e Kishës dhe se ai rikthehet në Amerikën Latine 20 vjet pas Kongresit të mëparshëm, mbajtur në vitin 2004, në qytetin e Guadalajara të Meksikës.

30 gusht 2024, 12:55
Prev
April 2025
SuMoTuWeThFrSa
  12345
6789101112
13141516171819
20212223242526
27282930   
Next
May 2025
SuMoTuWeThFrSa
    123
45678910
11121314151617
18192021222324
25262728293031