Kërko

Cookie Policy
The portal Vatican News uses technical or similar cookies to make navigation easier and guarantee the use of the services. Furthermore, technical and analysis cookies from third parties may be used. If you want to know more click here. By closing this banner you consent to the use of cookies.
I AGREE
Missa in tempore belli (Paukenmesse), in Do magg. Hob.22 n.9 Per soli, Coro e orchestra.
Programe Podcast
Vangelo della XVI domenica dell'Anno 'B' Vangelo della XVI domenica dell'Anno 'B'

Të meditojmë me Ungjillin e së dielës XVI 'B': Jezusit iu dhimbsën njerëzit

Ti o Krisht, ndien dhembshuri/e nuk u ikën kërkesave të njerëzve./Vërtetë, shi për këtë ke ardhur në tokë.../ E jo vetëm atëherë, por edhe sot, o Jezus./Sepse kur punët shkojnë keq/ ata, që vuajnë të parët, janë gjithmonë/të varfrit, të vegjlit, ata që s’i llogarit kush./Pasi viktimat e parashikueshme të krizës/janë gjithnjë ata, në mëshirën/e tinzarëve, të dinakëve, të të fortëve./O Zot, na jep dhembshurinë tënde,/që të reagojmë me guxim,/të shkojmë drejt të tjerëve pa frikë, për t’i ndihmuar

R.SH. - Vatikan

Ungjilli i Kësaj së diele, marrë nga kreu 6 i Shën Markut, në të dielën XVI të vitit kishtar, na dëshmon se Zoti i ka konkretizuar premtimet e tij në Jezusin e Nazaretit. Përmes Shëlbuesit, Hyji vigjëlon mbi popullin e vet. Në Ungjill përshkruhen njerëzit e Galilesë, për të cilët nuk kujdesej askush. Ata e rrethojnë Jezusin, sepse e ndiejnë se ai shqetësohet për ta e mund t’i ndihmojë. E Ai kështu bën vërtet, duke u sjellë shëlbimin atyre, që i drejtohen me besim. Të ndjekim pjesën ungjillore…

30 Në atë kohë, apostujt u bashkuan prapë te Jezusi dhe i treguan gjithçka kishin bërë dhe kishin mësuar. 31 Atëherë ai u tha: “Ejani dhe ju në një vend të pabanuar e pushoni pak në vetmi”. Sepse aty aq shumë njerëz vinin e shkonin sa që s’kishin kohë as të hanin. 32 Ata u nisën me barkë për në një vend të pabanuar, në vetmi. 33 Porse njerëzit i panë në ç’drejtim u nisën e shumica e morën me mend vendin ku do të shkonin dhe, në këmbë, prej të gjitha qyteteve, shkuan atje e arritën para tyre. 34 Kur Jezusi doli nga barka, pa një turmë të madhe populli, iu dhimbsën, sepse ishin porsi ‘dhentë pa bari’, e filloi t’u mësojë shumë gjëra.

Të lutemi së bashku:

Sheh rreth vetes kaq shumë vuajtje

e askënd që ka për zemër

fatet e të varfërve e të ligshtëve.

E di sa të çorientuar,

të trishtuar e të vetmuar

ndihen ata, që dëshirojnë me zjarr

dikë, i cili t’u japë pakëz dritë

t’u ndriçojë udhën e drejtë,

të ndajë me ta bukën e urtisë

që t’u bëjnë ballë mesazheve joshëse

e të drejtohen me delikatesë e mirësi kah udha e Zotit.

 

Është pritja e sinqertë e sa e sa njerëzve,

me pyetjet e dyshimet e tyre,

me rraskapitjen e këputjen e tyre,

që të mallëngjejnë thellë në shpirt.

 

Prandaj, Ti o Krisht, ndien dhembshuri

e nuk u ikën kërkesave të tyre.

Në të vërtetë, shi për këtë ke ardhur në tokë.

Ky është objektivi i misionit tënd,

ai që ka më shumë rëndësi.

E jo vetëm atëherë, por edhe sot, o Jezus.

Sepse kur punët shkojnë keq

ata, që vuajnë të parët, janë gjithmonë

të varfrit, të vegjlit, ata që s’i llogarit kush.

Pasi viktimat e parashikueshme të krizës

janë gjithnjë ata, në mëshirën

e tinzarëve, të dinakëve, të të fortëve.

 

Prandaj, o Zot, na jep dhembshurinë tënde,

që të reagojmë me guxim,

të shkojmë drejt të tjerëve pa frikë, për t’i ndihmuar me bujari.

20 korrik 2024, 10:35
Prev
April 2025
SuMoTuWeThFrSa
  12345
6789101112
13141516171819
20212223242526
27282930   
Next
May 2025
SuMoTuWeThFrSa
    123
45678910
11121314151617
18192021222324
25262728293031