Sulmi kundër Izraelit: kard. Pizzaballa, “17 tetori, ditë agjërimi e lutjeje për paqe e pajtim".
R. SH. - Vatikan
“Ndoshta në shumë pjesë të dioqezave tona rrethanat nuk do t’i lejojnë mbledhjet e mëdha. Ndaj do të mund të organizohemi në famulli, në bashkësi fetare, në familje, për të pasur çaste të përbashkëta lutjesh të thjeshta dhe të kthjellta. Kështu mund të bashkohemi të gjithë, pavarësisht nga rrethanat në të cilat jetojmë, e të takohemi në lutje korale, për t'ia dorëzuar Zotit Atë etjen tonë për paqe, drejtësi dhe pajtim".
Kështu vazhdon thirrja, e cila shpreh "dhimbje të madhe dhe tronditje të fortë për gjithçka po ndodh në këto vise të gjakosura.
“Ndodhemi përsëri në mes të krizës politike dhe ushtarake, të zhytur papritur në një det dhune të pashoqe. Urrejtja, të cilën për fat të keq e kemi jetuar për një kohë të gjatë, do të rritet edhe më shumë dhe spiralja e dhunës që do të pasojë, do të krijojë shkatërrime të mëtejshme. Gjithçka duket se flet për vdekjen”.
Prej këndej ftesa për t'u lutur dhe për të agjëruar për paqen, domethënë, për fitoren e jetës mbi vdekjen!