17 tetori Ditë Lutjeje dhe agjërimi për paqen në Tokën e Shenjtë edhe në Shqipëri
R.SH. / Vatikan
17 tetori ardhshëm do të jetë një Ditë Lutjeje dhe agjërimi për paqen në Tokën e Shenjtë edhe në Shqipëri. Ipeshkvijtë e Kishës katolike në Shqipëri, përmes një letre botuar në faqen e internetit të Konferencës Ipeshkvore Katolike të Shqipërisë, K.I.SH.al, u bëjnë thirrje të gjithë besimtarëve katolikë t'ia kushtojnë Ditën e 17 tetorit lutjes dhe agjërimit për t'i kërkuar Zotit dhuratën e paqes në Tokën e Shenjtë.
Në vijim njoftimi i Konferencës Ipeshkvore Katolike të Shqipërisë:
Të dashur Meshtarë, Rregulltarë, Rregulltare,
Të dashur besimtarë,
Konferenca Ipeshkvnore e Shqipërisë, përballë vatrave të reja të luftës, që prekin Tokën e Shenjtë, përsërit edhe një herë me force dënimin dhe solidaritetin e saj me viktimat e shumta të pafajshme të shkaktuara nga urrejtja dhe dhuna, të cilat nuk mund të justifikohen ne asnjë mënyrë.
Ndaj, së bashku me Konferencat e tjera Ipeshkvnore të botës, ajo i bashkëngjitet nismës së organizuar nga Patriarkana Latine e Tokës së Shenjtë në personin e Hirësisë së Tij Kardinalit Pierbattista Pizzaballa parashikuar për të martën, më 17 tetor 2023, dhe i fton të gjithë katolikët e Shqipërisë që të jetojnë një Ditë Lutjeje dhe agjërimi për paqen në Tokën e Shenjtë.
Në çdo bashkësi "të organizohen momente lutjeje me adhurim eukaristik dhe me rruzuren në nder të Virgjërës Mari". Këto duhet të jenë armët tona të vetme, ato që çdo i krishterë ka në dispozicion për t'iu përgjigjur urrejtjes me dashuri, hakmarrjes me falje, shpërbërjes me frymën e vëllazërisë që Krishti na mëson.
Ipeshkvijtë tuaj