‘Ndihmë për Kishën që vuan’, denoncon një vrasje tjetër të një meshtari në Nigeri

R.SH. - Vatikan

At Charles Onomhoale Igechi, meshtar i Kryedioqezës Katolike të Beninit, në shtetin nigerian të Edo, u vra më 7 qershorin e kaluar. Eshtrat e tij u gjetën përgjatë rrugës kufitare Boundary Street di Ikpoba Hill , Administrata Lokale e Ikpobas. Përgjegjësit e kësaj vrasjeje nuk janë identifikuar ende.

At Onomhoale Igechi u shugurua meshtar më pak se një vit më parë, më 13 gusht 2022, dhe ishte zëvendësdrejtor i Kolegjit St. Michael, Ikhueniro. Fondacioni papnor ‘Ndihmë për Kishën që Vuan’ vazhdon të denoncojë valën e patolerueshme të vrasjeve dhe rrëmbimeve kundër meshtarëve katolikë nigerianë dhe kërkon që autoritetet kompetente të vendit më në fund të fillojnë të luftojnë dhe shtypin këto fenomene kriminale.