Toka e Shenjtë: Patriarkana Latine, një seri videosh për t'u zhytur në studimin e Biblës

R.SH. – Vatikan

Për t’i ndihmuar të krishterët në Tokën e Shenjtë dhe gjetiu të zhyten përsëri në njohurinë dhe studimin e Biblës, At Issa Hijazin dhe David Neuhaus, nga Patriarkana Latine e Jeruzalemit, kanë krijuar një seri videosh, në të cilat, pa u zgjatur në shpjegime të gjera teologjike, ata paraqesin mesazhin e çdo libri të Biblës, të Besëlidhjes së Vjetër dhe të Re, në mënyrë të thjeshtë dhe të qartë.

Videot, të disponueshme në arabisht, anglisht, frëngjisht, italisht dhe spanjisht, shpjegojnë nga Patriarkana Latine e Jerusalemit e cila promovon nismën, shërbejnë për t'u familjarizuar me Shkrimet e Shenjta dhe për të inkurajuar njerëzit të zhyten në Fjalën e Zotit, për të kuptuar më mirë mesazhin që na drejton Zoti dhe mjetet që ndihmojnë për ta pranuar dhe zbatuar në jetën e përditshme.

Është fjala për mjete që konkretizojnë një dëshirë të patriarkut latin, Pierbattista Pizzaballa, i cili në disa raste i pati ftuar besimtarët të "ringjallin artin e katekezës e të formimit shpirtëror", si dhe "të krijojnë një marrëdhënie më familjare me Fjalën e Zotit".