Kërko

Cookie Policy
The portal Vatican News uses technical or similar cookies to make navigation easier and guarantee the use of the services. Furthermore, technical and analysis cookies from third parties may be used. If you want to know more click here. By closing this banner you consent to the use of cookies.
I AGREE
Dies irae
Programe Podcast
Toshiyuki Mimaki në një konferencë shtypi në Hiroshima Toshiyuki Mimaki në një konferencë shtypi në Hiroshima

Toshiyuki Mimaki: ta shpëtojmë njerëzimin nga armët bërthamore

Intervistë me të mbijetuarin nga bomba atomike e Hiroshimës, bashkë-president i Fondacionit japonez Nihano Hidankyo, fitues i çmimit Nobel për Paqen në vitin 2024. Mimaki kujton takimin me Papën Françesku në Japoni, në vitin 2019, dhe u kërkon të gjithë liderëve botërorë të angazhohen për zhdukjen e armëve bërthamore

R.SH. / Vatikan

Ndërtesa të shkatërruara. Kudo rrënoja. Aq sa mund të shihet veç deti, atje ku më parë ishte një qytet. Është kujtimi i pashlyeshëm, i mbetur në zemrën e një fëmije tre vjeçar, dëshmitar i një ngjarjeje të tmerrshme, të pamendueshme, që fatkeqësisht ndodhi. Është kujtimi për të cilin Toshiyuki Mimaki flet me L'Osservatore Romano. Sot është 82 vjeç dhe që nga 6 gushti 1945, kur bomba atomike shkatërroi Hiroshimën, qytetin e tij, ai nuk ka reshtur së menduari për atë ditë që ndryshoi historinë e njerëzimit, por më parë fshiu jetën e dhjetëra mijëra njerëzve.

Pak ditë më parë, më 10 dhjetor, Mimaki mori çmimin Nobel për Paqen në Oslo, si bashkë-president i Fondacionit Nihon Hidankyo i cili që nga viti 1956, viti i themelimit të tij, ka luftuar me guxim dhe pa i kursyer forcat për çarmatimin bërthamor. Fondacioni japonez mbledh së bashku hibakusha-t, të mbijetuarit e sulmit të dyfishtë atomik amerikan në Hiroshima dhe Nagasaki në fund të Luftës II Botërore. Angazhimi i Fondacionit Nihon Hidankyo bazohet pikërisht në forcën e dëshmisë, në fuqinë e butë të tregimit. Një vlerë e njohur nga Komiteti Norvegjez i Nobelit, i cili në dhënien e çmimit, deklaroi

“Të gjithë e kemi për detyrë të kryejmë misionin e hibakushës. Busulla e tyre morale është trashëgimia jonë. Tani është radha jonë. Përpjekjet për çarmatim kërkojnë thirrje të vazhdueshme publike”.

Në prag të Ditës Botërore të Paqes, Toshiyuki Mimaki u përgjigjet pyetjeve tona dhe para së gjithash, e quan veten trashëgimtar "të përpjekjeve të paraardhësve të tij" që donin të krijonin Fondacionin Nihon Hidankyo: të mbijetuarit si ai nga ngjarja e papërshkrueshme që ndodhi. atë mëngjes gushti, 79 vjet më parë. “Në moshën 3-vjeçare - thotë ai - nëna ime, vëllai im më i vogël dhe unë u goditëm nga rrezatimi i bombës teksa kërkonim babanë tonë, i cili punonte për hekurudhat në Hiroshima. Shumë njerëz vdiqën dhe shumë ndërtesa u zhdukën nga flakët, aq sa mund të shihje deri në det. Vëllai im aktualisht po trajtohet për kancer në tru”.

Sado i vështirë të jetë kthimi në kujtesë i pamjeve të llahtarshme,  përvoja e përbashkët është në qendër të misionit të hibakusha: të kujtojë tragjedinë, në mënyrë që të mos ndodhë më. Detyrë jashtëzakonisht urgjente! Fatkeqësisht, pas disa vitesh, as të mbijetuarit e fundit të bombave atomike nuk do të jenë më. Pra, çka do të bëhet për të mbajtur gjallë kujtimin për brezat e ardhshëm?

“Qyteti i Hiroshimës - shpjegon ai - ka një rol të rëndësishëm në përcjelljen e dëshmive të të mbijetuarve, duke krijuar sistemin për edukimin e të rinjve si lajmëtarë”.

Për Mimakin, roli që Papa Françesku po luan në favor të çarmatimit bërthamor, është shumë i rëndësishëm. Ai vetë u takua me Papën gjatë vizitës së tij në Hiroshima dhe Nagasaki, në nëntor 2019. “E takova Papën kur erdhi për të na vizituar - kujton ai - më dha një medalje, në një kuti të kuqe. I kërkova të punojë që armët bërthamore të shfuqizohen. Ruaj një foto nga ajo ditë”.

Në dritën e këtij angazhimi, nuk është folur kurrë kaq shumë për përdorimin e mundshëm të bombave atomike dhe madje, edhe për mundësinë e një konflikti bërthamor. Çmenduri për ata që, si Toshiyuki Mimaki, rijetojnë ende tmerrin e asaj dite kur "Bomba" u përdor për herë të parë kundër popullatës civile. “Nëse do të përdoreshin armët bërthamore - vëren ai me hidhërim - do të ishte fundi i njerëzimit. Për këtë arsye, kërkoj nga qeveritë e vendeve që zotërojnë armë bërthamore të angazhohen për zhdukjen e tyre”.

Udhëheqësi i Nihon Hidankyo është veçanërisht i shqetësuar për situatën në Gaza dhe Ukrainë. “Presidenti rus Putin - kujton me ankth – e ka ulur nivelin e përdorimit të armëve bërthamore, në mënyrë që të mund t'i përdorë ato në çdo kohë. Është një situatë e frikshme. Ejani të gjithë në Hiroshima dhe Nagasaki e vizitoni Muzeun e Bombës Atomike! Do të shihni sesa shumë dëme mund t'i bëjnë armët bërthamore qenieve njerëzore".

31 dhjetor 2024, 10:06
Prev
April 2025
SuMoTuWeThFrSa
  12345
6789101112
13141516171819
20212223242526
27282930   
Next
May 2025
SuMoTuWeThFrSa
    123
45678910
11121314151617
18192021222324
25262728293031