Kërko

Cookie Policy
The portal Vatican News uses technical or similar cookies to make navigation easier and guarantee the use of the services. Furthermore, technical and analysis cookies from third parties may be used. If you want to know more click here. By closing this banner you consent to the use of cookies.
I AGREE
Finale: Allegro giusto
Programe Podcast

Më 5 tetor kalendari kujton shën Faustinën Kowalska, rregulltare e mistike

Shën Faustina është dhuratë e Zotit për kohën tonë e për mbarë Kishën. Jezusi i besoi mistikes polake detyrën t’ia përcillte mbarë njerëzimit mesazhin e mëshirës Hyjnore. Misioni i motër Faustinës na kujton të vërtetën mbi Mëshirën Hyjnore, sepse e dimë që ajo është një e vërtetë e zbuluar në Shkrimin Shenjt. Motër Faustina na e kujton këtë të vërtetë në forma të reja, që i janë transmetuar nga vetë Jezusi gjatë dukjeve të tij.

R.SH. - Vatikan

Më 5 tetor, Kisha katolike përkujton Shën Maria Faustinën Kowalska, rregulltaren mistike, me të cilën lidhet ngushtë kulti i Mëshirës Hyjnore.  Faustina lindi në fillim të shekullit të kaluar e vdiq në moshën 33 vjeçe, më 1938. Sot, përshpirtëria e rregulltares, lartuar në nderimet e altarit në vitin 2000 nga Papa Shën Gjon Pali II, është përhapur në shumë vise të botës. 

 Mëshira Hyjnore për çdo njeri

Mëshira e Zotit bën atë që është e pamundur për forcat e njeriut. Përhapja e madhe e kultit të Mëshirës Hyjnore, që nga beatifikimi i motrës Faustina më 18 prill 1993, tek kanonizimi i saj më 30 prill 2000, buron nga nevoja që ka çdo njeri për Mëshirën Hyjnore, sepsè - siç tha Papa Shën Gjon Pali II - ku tjetër, përveçse në Mëshirën Hyjnore, mund të gjejnë strehë e shpresë njeriu e bota?  E vërtet, nga mëshira Hyjnore, që pajton zemrat, rrjedh më pas paqja e vërtetë në botë, paqja ndërmjet popujve, kulturave dhe feve të ndryshme.

Misioni i motër Faustinës mbi Mëshirën Hyjnore

Misioni i motër Faustinës na kujton të vërtetën mbi Mëshirën Hyjnore, sepsè e dimë që ajo është një e vërtetë e zbuluar në Shkrimin Shenjt - Bibla. Motër Faustina na e kujton këtë të vërtetë në forma të reja, që i janë transmetuar nga vetë Jezusi gjatë dukjeve të tij. Kujtojmë sidomos nderimin e figurës së Mëshirës Hyjnore, që vjen nga vegimi i 22 shkurtit 1931. Pastaj orën e Mëshirës, që ia kërkoi vetë Jezusi, lutjen që Krishti ia mësoi motër Faustinës për t'ia drejtuar Mëshirës së tij Hyjnore. Kujtojmë, sidomos, festën e Mëshirës Hyjnore, themeluar nga Papa Gjon Pali II gjatë kanonizimit të Motrës Faustina, që Kisha e kremton si "E Diela e Mëshirës Hyjnore" në të dielën e dytë të Pashkëve. E së fundi, kujtojmë përhapjen e këtij kulti, që ende sot vijon përmes atyre që quhen "apostujt e Mëshirës Hyjnore".

Shenjtërorja e Mëshirës Hyjnore në Lagiewniki

Shenjtërorja e Mëshirës Hyjnore në Lagiewniki të Krakovit, u shugurua nga Papa Shën Gjon Pali II  gjatë shtegtimit apostolik në Poloni nga 16 deri më 19 gusht 2002, për shtegtarët e shumtë që mblidhen atje nga të gjitha kontinentet. Ky tempull, siç ka thënë Papa Wojtila, është bërë qendër e rrezatimit të karizmës së Mëshirës Hyjnore në të gjithë Kishën. Festa e Mëshirës Hyjnor, po kujtojmë se u caktua pikërisht të dielën e dytë pas Pashkëve, nga Papa Shën Gjon Pali II, gjatë Jubileut të vitit 2000. Ishte dita e shenjtërimit të Apostulles së Mëshirës, shën Faustina Kovalska, prandaj edhe festa mori emrin e Mëshirës Hyjnore.

Kur Kishës i duhet të ripohojë një të vërtetë të keqinterpretuar, apo të tradhtuar, niset gjithnjë e shtyrë nga dashuria e mëshirshme, që njerëzit të kenë jetë e ta kenë me plotësi. Mëshira është vetë emri i Zotit, fytyra me të cilën Ai iu zbulua njerëzimit në Besëlidhjen e Vjetër e më pas, plotësisht, në Jezu Krishtin, mishërim i Dashurisë krijuese dhe shëlbuese.

Kjo dashuri e mëshirshme ndriçon edhe fytyrën e Kishës, e shfaqet si përmes Sakramenteve, në veçanti në atë të Pajtimit, ashtu edhe në veprat e bamirësisë, në ato të bashkësisë e individuale. Gjithçka thotë e bën Kisha tregon mëshirën dhe dashurinë e Zotit për njeriun. Prandaj nuk duhet të harrojmë se nga Mëshira Hyjnore, që pajton zemrat e njerëzve, rrjedh më pas paqja e vërtetë në botë, paqja në familje, paqja ndërmjet popujve, kulturave dhe feve të ndryshme. 

LUTJA E SHËN FAUSTINËS KOWAŁSKA

O Zemra tejet e shenjtë e Jezusit, burim i mëshirës, nga i cili rrjedhin lumenjtë e paimagjinueshëm të hireve mbi mbarë njerëzimin, me gjithë zemër po Të lutem që t’i shndritësh mëkatarët e mjerë dhe të jesh i mëshirshëm ndaj tyre. 
O Jezus, le të bjerë në mend Mundimi yt tejet i dhimbshëm dhe mos lejo që të humbin shpirtrat, të cilët i ke shpërblyer me Gjakun e Paçmueshëm dhe me Ujin e Zemrës sate. 
O Jezus, duke menduar për çmimin tejet të lartë të Gjakut Tënd të Paçmueshëm, po më gëzon lartësia e tij, sepse edhe një pikë e vetme të tij mjafton për t’i shpëtuar të gjithë mëkatarët. Megjithëse mëkati është pafundësia e keqdashjes dhe e mosmirënjohjes, për ne është paguar çmimi i pakrahasueshëm. Për këtë arsye çdo shpirt le ta gjejë besimin në Mëshirën Tënde të pakufishme. Amen.

05 tetor 2024, 17:40
Prev
April 2025
SuMoTuWeThFrSa
  12345
6789101112
13141516171819
20212223242526
27282930   
Next
May 2025
SuMoTuWeThFrSa
    123
45678910
11121314151617
18192021222324
25262728293031