Kërko

Cookie Policy
The portal Vatican News uses technical or similar cookies to make navigation easier and guarantee the use of the services. Furthermore, technical and analysis cookies from third parties may be used. If you want to know more click here. By closing this banner you consent to the use of cookies.
I AGREE
Andanto molto - Allegro
Programe Podcast
Veduta di Kyiv Veduta di Kyiv

Ukrainë, Parlamenti e ndalon Kishën e lidhur me Patriarkanën e Moskës

Parlamenti ukrainas miratoi një projektligj që parashikon ndalimin e Kishës Ortodokse të lidhur me Patriarkanën e Moskës, që flet për "shkelje të lirisë fetare".

R.SH. / Vatikan

Parlamenti i Ukrainës miratoi një projektligj, që e ndalon Kishën Ortodokse të lidhur me Patriarkanën e Moskës. Sipas burimeve në parlamentin ukrainas, 265 deputetë votuan pro tekstit, 39 më shumë se minimumi i kërkuar. Ligji i ri, i pa shpallur ende, u jep famullive të prekura, të cilat në disa raste shprehën mbështetjen për pushtimin rus të Ukrainës, nëntë muaj kohë, siç shpjegohet nga disa deputetë, për t’i "prerë lidhjet me Kishën Ortodokse Ruse".

Reagimi i Rusisë

Reagimi i Rusisë, i menjëhershëm. Për zëdhënësen e ministrit të Jashtëm rus Lavrov, Maria Zakharova, vendimi i Parlamentit të Kievit synon "të shkatërrojë ortodoksinë e vërtetë kanonike dhe ta zëvendësojë atë me një kishë false". Për Patriarkanën e Moskës, ky është zgjerimi i "persekutimit" të Kievit kundër Kishës Ortodokse të Ukrainës dhe "shkelja e qartë e të drejtave të njeriut të njohura ndërkombëtarisht në fushën e lirisë fetare".

Qëndrimi i kishave të Ukrainës

Më 16 gushtin e kaluar, Këshilli i Kishave dhe i Organizatave Fetare të Ukrainës (Uccro) pati kujtuar rezultatin e një takimi me presidentin ukrainas Zelensky, gjatë të cilit, shpjegon një deklaratë, nënvizohej dënimi kategorik i "aktiviteteve të Kishës Ortodokse Ruse", të quajtur "bashkëpunëtore në krimet e përgjakshme kundër njerëzimit të pushtuesve rusë". Në komunikatë ripohohej edhe respektimi i të drejtave dhe lirive fetare,  si dhe mundësia që besimtarët "pavarësisht nga disa sfida të lidhura me luftën, "t’i shprehin me dinjitet ndjenjat dhe besimet e tyre fetare".

21 gusht 2024, 14:45
Prev
April 2025
SuMoTuWeThFrSa
  12345
6789101112
13141516171819
20212223242526
27282930   
Next
May 2025
SuMoTuWeThFrSa
    123
45678910
11121314151617
18192021222324
25262728293031