Kërko

Cookie Policy
The portal Vatican News uses technical or similar cookies to make navigation easier and guarantee the use of the services. Furthermore, technical and analysis cookies from third parties may be used. If you want to know more click here. By closing this banner you consent to the use of cookies.
I AGREE
LAVDET NË LATINISHT
Programe Podcast
Santa Brigida, sec. XV Santa Brigida, sec. XV

Më 23 korrik kalendari kujton shën Brigjidën e Suedisë

Shën Brigjida e Suedisë, kjo grua e shenjtë ka shumë për tu mësuar edhe sot Kishës e botës. Shenjtëria e Brigjides është karakterizuar nga dhuratat e përvojat e shumta që e bën atë një figurë të shquar në historinë e Evropës. Me origjinë nga Skandinavia shën Brigita dëshmon se sa thellë e ka plazmuar krishterimi jetën e të gjithë popujve të kontinentit.

R.SH. - Vatikan

Shën Brigjida e Suedisë, Bashkëpajtore qiellore e Evropës, grua e nënë, fisnike dhe e përkushtuar të varfërve, mistike e Mundimeve të Jezu Krishtit, Shenjte e Pajtore Qiellore e Evropës: kjo me pak fjalë është Shën Brigjida e Suedisë, përkujtimin liturgjik të së cilës Kisha e kremton sot, 23 korrik.

Kjo grua e shenjtë ka shumë për tu mësuar edhe sot Kishës e botës. Shenjtëria e Brigjides është karakterizuar nga dhuratat e përvojat e shumta që e bën atë një figurë të shquar në historinë e Evropës. Me origjinë nga Skandinavia shën Brigita dëshmon se sa thellë e ka plazmuar krishterimi jetën e të gjithë popujve të kontinentit.

Shën Brigjida lindi në Finstad të Suedisë në qershor të vitit 1302 në një familje fisnike, thellësisht të krishterë. I ati, Birgen Person, gjykatës dhe guvernator i zonës Upplan, njihet si autor i legjislacionit të parë të krishterë në mbretërinë e Suedisë.

Brigjida, e martuar në moshë të re, qe bashkëshorte e nënë shembullore e tetë fëmijëve. Pas vdekjes së burrit, u dha pas jetës asketike.  Më 1350 shtegtoi drejt Romës me rastin e jubileut e nuk u kthye më në atdhe. Themeloi urdhrin rregulltar të të Shëlbuemit, që njihet edhe me emrin ‘Urdhri i Brigjidineve’. Vdiq në Romë  me 23 korrik të vitit 1373. 

Papa Gjon Pali II e quajti Shën Brigjidën “specialiste e shpirtit" dhe i ftoi simotrat e saj të jenë kudo ndërtuese të palodhura të ekumenizmit të madh të shenjtërisë.  E Benedikti XVI, duke folur për Shën Brigjidën, Pajtore e Evropës, në ditën e festës së saj, theksoi: “Erdhi nga Suedia në Romë e, prej këndej, shtegtoi në Tokën Shenjte; na fton kështu ta ndihmojmë njerëzimin të gjejë paqen e vërtetë pikërisht në Tokën Shenjte”.

 “Amor Meus Crocifixus est” – “Dashuria ime është i Kryqëzuari” – ishte motua e Shën Brigjidës. Karizma e saj ishte lavdërimi i përhershëm i Hyjit, dhurimi i jetës për shpërblim të mëkateve  të njerëzimit dhe bashkimi i Kishës. Ajo i mëson gratë e kohëve tona ta çojnë dashurinë e Krishtit në të gjitha fushat e shoqërisë. Shën Brigjida pati meritën t’i bënte të vërtetat e fesë të kuptueshme për popullin, sepse i foli me një gjuhë që ndizte fantazinë, prekte zemrat, hapte horizontet e amshimit.

Kujtojmë se Urdhri i Motrave Brigjidine, veprimtaria ekumenike e të cilave vlerësohet shumë në viset veriore të Evropës, ku ka pak katolikë e ku prandaj dialogu është më i rëndësishëm se gjetiu, sot numëron 600 motra rregulltare dhe 45 bashkësi të përhapura në mbarë botën.

23 korrik 2024, 11:32
Prev
April 2025
SuMoTuWeThFrSa
  12345
6789101112
13141516171819
20212223242526
27282930   
Next
May 2025
SuMoTuWeThFrSa
    123
45678910
11121314151617
18192021222324
25262728293031