Shenjtorët e javës 14 - 21 prill

R.SH. / Vatikan

E diel 14 prill, Kisha katolike kremton të Dielën e Tretë të Pashkëve, ciklit të dytë sipas kalendarit kishtar. Gjithnjë mё 14 prill, kalendari përkujton edhe shën Tibrucin, Valerianin e Maksimin, martirë. Ungjilli kësaj së diele nga Luka (24,35-48), na paraqet manifestime tjera të Jezusit të Ngjallur para dishepujve. Është gjithmonë Jezusi ai që merr nismën për t’i befasuar Njëmbëdhjetë Apostujt, ndërsa ata po përgatiteshin për të kumtuar se i Ngjalluri i është dukur Simonit (krh Lk 24,34) dhe dy nxënësve shtegtarë në udhën e Emausit.

Të hënën më 15 prill,  kalendari përkujton shën Abondin, Damianin De Vuester e Maronin. 

 Të martën më 16 prill, kalendari përkujton shën Marinë Berndardetë Soubiroues, virgjër, shën Benediktin Jozef Labre. 

Të mërkurën më 17 prill, kalendari përkujton shën  Simeonin Bar Sabbà, ipeshkëv e martir  dhe shën Robertin, abat të Citeaux.. 

Të enjten më 18 prill, kalendari kishtar përkujton shën Galdinin, kryeipeshkëv i Milanos e kardinal, shën Eleuterin, ipeshkëv i Ilirikut dhe Ancien, nënën e tij.

 Të premten më 19 prill, kalendari kishtar përkujton shën Leonin IX, papë. 

 Të shtunën 20 prill, kalendari përkujton shën Aniçetin, papë e shën Anjezen nga Montepulçiano, virgjër dominikane. 

Të dielën e ardhshme më 21 prill, Kisha katolike do të kremtojë të Dielën e Katërt të Pashkëve, po më 21 prill kalendari kishtar përkujton shën Anselmin, kryeipeshkëv i Kënterbërit e doktor i Kishës e shën Apollonin, filozof e martir romak